Aktual mövzular: Dollar alış-satışı , Hava haqqında, Məzənnə, Neftin qiyməti

FTB-nin bəyanatından sonra dollar kəskin bahalaşıb

FTB-nin bəyanatından sonra dollar kəskin bahalaşıb

Date: 7 November 2016 11:09

ABŞ-ın Federal Təhqiqatlar Bürosu (FTB) prezident seçkilərinə 2 gün qalmış namizəd Hillari Klintonla bağlı araşdırmanı dayandırdıqdan sonra dollar kəskin bahalaşıb. "APA-Economics"in "Reuters" agentliyinə istinadən verdiyi xəbərə görə, FTB açıqlamasında deyilir ki, H. Klinton ABŞ Dövlət Departamentinin rəhbəri olduğu müddət elektron poçtundan şəxsi məqsədləri üçün istifadə etsə də, yazışmalar zaman məxfi məlumatlardan istifadə olunmayıb.

 

Bu bəyanatdan sonra Asiya birjalarında dolların məzənnəsində yüksəliş qeydə alınıb. Belə ki, dollar Yaponiya yeninə qarşı 1,1% bahalaşaraq 104,30 yenə çatıb. Avro isə 0,7 ucuzlaşaraq 1,1060 dollaradək geriləyib. ABŞ-ın milli valyutası İsveçrə frankına qarşı 1% möhkəmlənib.

 

İnvestorlar hesab edir ki, H. Klintonu rəqibi Donald Trampdan fərqli olaraq daha proqnozlaşdırılan siyasət yürüdəcək.

 

"ABŞ-dan gələn xəbərlər Asiyanın səhm bazarında mülayim ralliyə səbəb ola bilər", - deyə dillerlər bildirir.

 

FTB-nin bəyanatından sonra ABŞ-ın fond indekslərinin fyuçersləri 1%-dən çox artım nümayiş etdirib.

 

ABŞ-ın xəzinədarlıq istiqrazları üzrə fyuçerslər isə zəifləyib.


Tags:  FTB-nin bəyanatından sonra dollar kəskin bahalaşıb


RƏYLƏR


Top news