Aktual mövzular: Dollar alış-satışı , Hava haqqında, Məzənnə, Neftin qiyməti

Səyyar ASAN xidmət Lökbatan, Naftalan, Şamaxı və Yevlaxda

Səyyar ASAN xidmət Lökbatan, Naftalan, Şamaxı və Yevlaxda

Date: 7 November 2016 12:54

Səyyar ASAN xidmət noyabrın 7-16-da Qaradağ rayonunun Lökbatan qəsəbəsində, noyabrın 7-21-də Naftalanda, 7 noyabr  - 6 dekabr tarixlərində ŞamaxıYevlaxda vətəndaşlara səyyar formada xidmət göstərəcək.

Xidmətdən Lent.az-a verilən məlumata görə, Səyyar ASAN xidmət avtobusları 24 oktyabr - 7 noyabr YardımlıNeftçalada, 25 oktyabr - 8 noyabr XırdalanKürdəmirdə, 24 oktyabr - 22 noyabr Qubada vətəndaşların xidmətində olacaqlar.

Səyyar şəkildə göstərilən xidmətlər Azərbaycan Respublikasının Ədliyyə Nazirliyi, Daxili İşlər Nazirliyi, Əmək və Əhalinin Sosial Müdafiəsi Nazirliyi və Əmlak Məsələləri Dövlət Komitəsi tərəfindən təqdim olunur.

Bu xidmətlərə aşağıdakılar daxildir:

Notariat fəaliyyəti;

Vətəndaşlıq vəziyyəti aktlarının dövlət qeydiyyatı;

Şəxsiyyət vəsiqələrinin verilməsi və dəyişdirilməsi;

Ümumvətəndaş pasportlarının verilməsi və dəyişdirilməsi;

Sürücülük vəsiqələrinin dəyişdirilməsi;

Əmək pensiyalarının təyin edilməsi;

Mənzillər üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların, texniki pasportların verilməsi;

Daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi;

Fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki pasportların verilməsi.

Səyyar ASAN xidmətin həyata keçirilməsinin əsas məqsədləri dövlət xidmətlərinin vətəndaşlara daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin edilməsi və vətəndaş məmnunluğuna nail olunmasıdır.


Tags:  Səyyar ASAN xidmət Lökbatan Naftalan Şamaxı Yevlaxda



RƏYLƏR


Top news