Aktual mövzular: Dollar alış-satışı , Hava haqqında, Məzənnə, Neftin qiyməti

Rusiyada azərbaycanlı həmyerlilərinə 100 min "atdı"

Rusiyada azərbaycanlı həmyerlilərinə 100 min "atdı"

Date: 7 November 2016 13:17

Tümenin mərkəzi rayon məhkəməsi 55 yaşlı azərbaycanlı Elman Bayramovu fırıldaqçılıqda təqsirli bilib.

Milli.Az azvision.az-a istinadən bildirir ki,  məhkəmənin qərarına əsasən, o, iki ilini ciddi rejimli koloniyada keçirəcək. Həmyerlimiz günahını etiraf edib və işə xüsusi qaydada baxılmasını xahiş edib. 

Bayramov ali təhsilli şəxsdir. Sənədlərə əsasən o, 2014-cü ildən "Metalloprokat MMK" MMC-nin baş direktorudur. 

Müttəhim tələbə oğlu üçün yataqxanada ev almaq istəyən azərbaycanlı ailənin etibarını qazanaraq aldadıb. Onlardan müvafiq mənzili tapmaq üçün 100 min rubl istəyib.

Ailə mənzil üçün ilkin ödənişi vermək üçün 27,716 min rubl dəyərində zinət əşyalarını lombarda qoymalı olub. Daha sonra cütlük lombardda Bayramova 100 min rubl veriblər, sonuncu isə pulu aldıqdan sonra aradan çıxıb. 

Bir neçə gün sonra cütlük fırıldaqçını tapıb və ondan pullarını güclə geri alıblar.

Bayramov polisə müraciət edib, qarət olunduğunu bildirib, bu hadisədən bir saat sonra polis patrulu cütlüyü saxlayıb. Vəziyyəti araşdıran polislər cütlüyü azad edərək fırıldaqçını saxlayıblar. 

Məhkəmə iddianı təmin edərək Bayramovun fırıldağı nəticəsində zərərçəkənə dəyən 83,5 min rubl həcmində maddi zərəri ödəməsi barədə qərar çıxarıb. 

Milli.Az


Tags:  Rusiyada azərbaycanlı həmyerlilərinə 100 min atdı

RƏYLƏR


Top news