Aktual mövzular: Dollar alış-satışı , Hava haqqında, Məzənnə, Neftin qiyməti

Fəxri ad alan məşhurların ilk təəssüratları

Fəxri ad alan məşhurların ilk təəssüratları

Date: 7 November 2016 18:03

Prezident İlham Əliyev Azərbaycan Respublikasının televiziya və radio işçilərinə fəxri adların verilməsi haqqında sərəncam imzalayıb.

Publika.az-ın xəbərinə görə, Azərbaycan Respublikasında televiziya və radio sahəsində xidmətlərinə görə təltif olunanlar sırasında Etibar Babayev, Nərgiz Cəlilova, Zaur Kamal da var.

Publika.az-ın təbrik xəbərinə Etibar Babayev təəccübləndi: “Nolub ki? Nə? Fəxri ad almışam? Bilmirdim, sizdən eşidirəm. Çox sağ olun şad xəbərə görə. Sevindim əlbəttə”.

“Əməkdar artist” fəxri adına layiq görülən Nərgiz Cəlilova da xəbəri ilk olaraq jurnalistlərdən eşitdiyini deyib: “Vallah özümün xəbərim yoxdur, doğrudan ad almışam? Sağ olsun dövlət başçımız, bizi dəyərləndirdiyi üçün”.

Xəzər televiziyasının aparıcısı Zaur Kamal da xəbəri eşidəndə şok olub: “Çalışdığım televiziyadan aparıcı Aqşin Kamal zəng elədi ki, bəs muştuluğumu ver? Dedim nə olub? Dedi ki, fəxri ad almısan. Əla hisslərdir. 20 illik zəhmətimə verilən qiymətə görə dövlət başçımıza minnətdarlığımı ifadə edirəm. Əməkdar mədəniyyət işçisi oldum”.

Biz də həmkarlarımızı təbrik edirik.

Cəvahir


Tags:  Fəxri ad alan məşhurların ilk təəssüratları

RƏYLƏR


Top news