Azərbaycanın Pakistandan silah alması Ermənistanda ciddi
qorxulara səbəb olub. Ukraynanın Odessa vilayətinin qubernatoru
Mixail Saakaşvilinin istefası günə damğasını vuran hadisələrdən
biri oldu. ABŞ-ın 45-ci prezidentini müəyyənləşdirmək üçün
keçiriləcək seçkilərə bir gün qaldı. NATO Rusiya ilə müharibəyə
hazırlaşdığını dolayısı ilə bəyan etdi. İŞİD-in ətrafındakı
mühasirə halqası getdikcə daralır.
“Azərbaycan yaxın dövrdə Qarabağı qaytarmağa hazırlaşır”
– MÜHARİBƏ VARİANTI
Erməni politoloq Stepan QriqoryanAzərbaycan və Pakistan arasında əməkdaşlığa məhdudiyyət
olmadığına diqqət çəkərək, bunun Ermənistan üçün dəhşətli
nəticələrə səbəb olacağını bildirib.
“Pakistan NATO-nun və Avropa
Birliyinin üzvü deyil və ona heç kim mane ola bilməz. Pakistan
Ermənistanı dövlət kimi belə tanımır, Azərbaycanla isə qardaş
münasibətlərə sahibdir. Bu, bizim ən böyük bəlalarımızdan biridir.
Bu ölkə nüvə dövlətidir və çox güclüdür. Belə güclü dövlətlərlə sıx
əlaqələr Azərbaycana istənilən an Qarabağı qaytarmağa icazə verir”,
- o, bildirib.
Qriqoryan deyib ki, Azərbaycan Qarabağı yaxın dövrlərdə
qaytarmağa hazırlaşır.
“Azərbaycan yaxın dövrdə Qarabağı qaytarmağa hazırlaşır” – MÜHARİBƏ VARİANTI
Azərbaycanın Pakistandan silah alması Ermənistanda ciddi qorxulara səbəb olub.
Klinton, yoxsa Tramp?
“Amerikalıların 45-ci prezidenti kim olacaq:
demokrat Hillari Klinton, yoxsa respublikaçı rəqibi Donald Tramp?”
sualı sabah cavab tapa bilər. Suala dəqiq cavab tapmaq mümkün
olmasa da, rəy sorğuları bu suala müəyyən qədər cavab
verir.
“Wall Street Journal” və “NBC News”un 3-5 noyabr tarixlərində
birgə keçirdiyi sorğuya görə, seçicilərin 44 faizi Klintonu, 40
faizi Trampı dəstəkləyir. “Vaşinqton Post” və “ABC News” tərəfindən
keçirilən sorğuya görə, Klinton 48 faizlə Trampı (43 faiz) 5 faiz
qabaqlayır. Bu nəticələr həftənin əvvəlində Klintonla olan fərqi
aradan qaldıran Trampın yenidən geri düşdüyünü göstərir.
“Vaşinqton Post” Klintonun yüksəlişinə səbəb olaraq, “ağ olmayan
seçicilər”dən aldığı dəstəyin artmasını və müstəqil seçiciləri öz
tərəfinə çəkməsini göstərib.
ABŞ-ın Federal Təhqiqatlar Bürosu (FTB) Hillari Klintonun şəxsi
elektron poçtu ilə bağlı araşdırmaların nəticələrini açıqlayıb. FTB
direktoru Ceyms Komeyin ABŞ Konqresinə göndərdiyi məktubunda
deyilir ki, araşdırmalar nəticəsində Hillari Klintonun elektron
poçtunda hər hansı cinayət əməli aşkar edilməyib. Gözlənilir ki,
bu, Klintona olan dəstəyi artıracaq.
“McClatchy-Marist” şirkətinin apardığı sorğu isə Klintonun
yalnız 1 faiz öndə olduğunu göstərib (43 faizə qarşı 44 faiz).
ABŞ prezidenti Barak Obama isə Respublikaçılar
Partiyasından ABŞ prezidentliyinə namizəd Donald Trampı lağa
qoyub.
“Əgər kimsə “Twitter” hesabının öhdəsindən gələ bilmirsə, ona
nüvə çamadanını etibar etmək olmaz”, - deyə Obama Florida ştatında
Demokratlar Partiyasından ABŞ prezidentliyinə namizəd Hillari
Klintonun keçirdiyi mintinqdə çıxışında deyib.
Noyabrın 6-da məlum olub ki, Trampın məsləhətçiləri onu
“Twitter”dəki şəxsi mikrobloqdan kənarlaşdırıblar. Qərarın qəbuluna
səbəb kimi milyarderin öz siyasi rəqiblərini ləkələmək üçün
mikrobloqundan müntəzəm istifadə etməsi olub. Trampın “Twitter”dəki
mikrobloqu 13 milyondan çox abunəçidən ibarətdir.
Türkiyəni cənubdan vurmaq planı: HÜCUM
BAŞLAYIR
ABŞ Suriya və İraqda Türkiyə əleyhinə planlarını
reallaşdırmaqda davam edir. “Yeni Şafak” qəzetinin Suriyadakı
mənbələrə istinadən verdiyi xəbərə görə, ABŞ və PYD-nin (PKK terror
təşkilatının Suriya qolu) başladığı Rakka əməliyyatının əsas hədəfi
Türkiyənin cənubunda “kürd dəhlizi”nin yaradılması üçün əhəmiyyətli
yer olan Əl-Babı ələ keçirməkdir.
Mənbənin məlumatına görə, Əl-Bab ələ keçiriləndən sonra, dəhlizin
Tel Rıfatla birləşdirilməsi üçün hərəkətə keçiləcək: “Rakka
əməliyyatına 30 yox, əslində 8 min PKK/PYD üzvü qatılıb. Münbiç və
Hasekedəki ABŞ əsgərləri də əməliyyata dəstək verir. Amerikanın
bölgədəki əsgərlərinin sayı 350 nəfərdir”.
Qəzet yazır ki, ABŞ-PYD ittifaqı İŞİD-in El-Bab-Rakka bağlantısını
kəsmək üçün, bir neçə gün içində Set Tişrin və Merkede
bölgələrindən Əl-Baba girməyi planlaşdırır. Mənbələr məlumat verir
ki, plana görə, qərb və şimalda ABŞ-PYD, şərq və cənubda isə
Əsəd-şiə gücləri Rakkaya hücuma keçəcək və beləliklə, İŞİD şəhərdə
məhv ediləcək. Əməliyyata “Fərat qəzəbi” adının verilməsi də bunun
Türkiyənin “Fərat qalxanı” əməliyyatına qarşı olduğunu sübut
edir.
Qeyd edək ki, dünən PKK-nın Suriya qolu YPG-nin başçılığı ilə
Suriya Demokratik Qüvvələri hərbi əməliyyatlara başlayıb. ABŞ
əməliyyatlara təkcə havadan yox, qurudan da yardım edir.
İddiaya görə, İŞİD terror qruplaşmasının lideri Əbu
Bəkr əl-Bağdadinin Mosuldan qaçıb. İraq kəşfiyyatı
onun hava zərbələrindən qorunmaq üçün canlı sipər məqsədilə 150
ailə ilə birgə qaçdığınını bildirib.
Bundan əvvəl hərbçilər bəyan etmişdilər ki, Mosulun azad
edilməsi əməliyyatı başlayandan indiyədək İŞİD-in iki mindən çox
döyüşçüsü məhv edilib.
Şimali İraq regional kürd rəhbərliyi Rusiyadan hərbi
yardım istəyib. Bunu muxtariyyət hökumətinin
beynəlxalq əlaqələr departamentinin sədri Falax Bəkir Rusiya Xarici
İşlər nazirinin müavini Mixail Boqdanovla görüşü zamanı söyləyib.
Onun sözlərinə görə, hazırda terrorizmə qarşı mübarizə İraq
kürdləri üçün çox vacibdir: “Hesab edirik ki, müttəfiqlərimizdən
biri olan Rusiya bizə təcili dəstək göstərməlidir. Bu səfər bizə
Rusiyanın müxtəlif məsələlərlə bağlı mövqeyini müəyyənləşdirməyə
imkan verdi”.
NATO-dan müharibə elanı kimi addım: 300
minlik...
Qərb-Rusiya münasibətləri “soyuq müharibə”dən real
hərbi qarşıdurmaya keçə bilər. Hərbi ittifaqın baş katibi Yens
Stoltenberq bildirib ki, NATO-nun yüz minlərlə hərbi qulluqçusu
Rusiya ilə münasibətlərdə artan gərginlik fonunda daha yüksək döyüş
hazırlığı vəziyyətinə gətiriləcək.
Onun sözlərinə görə, NATO rəhbərliyi Rusiyanın təcavüzünü
dayandırmaq üçün əhəmiyyətli quru gücləri hazırlamaq
fikrindədir.
NATO-dan müharibə elanı kimi addım: 300 minlik...
NATO-nun yüz minlərlə hərbi qulluqçusu Rusiya ilə münasibətlərdə artan gərginlik fonunda daha yüksək döyüş hazırlığı vəziyyətinə gətiriləcək.
NATO özünün aqressiv aktivliyini Rusiya tərəfdən olan
mifik təhdidlərlə izah etməyə çalışır.
Rusiya Dumasının Beynəlxalq Məsələlər Komitəsinin sədri Sergey
Jeleznyak söyləyib ki, Rusiya dünyada konfliktlərin eskalasiyasını
istəmir . “Mən heç kimə Rusiyanı təhdid etməyi məsləhət görmürəm.
Rusiyanı təhdid edənlərin taleyi bütün dövrlərdə pis olub”, - o,
bildirib.
Qeyd edək ki, bu gün NATO Baş katibi Yens Stoltenberq Rusiya
aqressiyası ilə əlaqədar Alyansın yüz minlərlə əsgərinin yüksək
hazırlıq vəziyyətinə gətiriləcəyini bildirib.
Saakaşvili istefa verdi - VİDEO
Bu gün Ukraynanın Odessa vilayətinin qubernatoru Mixail
Saakaşvili vəzifəsindən istefa vermək barədə qərar qəbul
edib.
Odessa keçirdiyi mətbuat konfransında Saakaşvili Ukrayna
hakimiyyətini korrupsiyada ittiham edib. Saakaşvili istefa qərarını
hakimiyyətin korrupsiya ilə mübarizə aparmaq istəməməsi ilə
bağlayıb. “Yaranmış vəziyyətdə istefaya getməyə və mübarizənin yeni
mərhələsinə başlamağa qərar verdim”, - o, deyib.
O, qeyd edib ki, məmurların gəlirləri haqqında elektron
bəyannamələrin elanı onun səbrini daşıran “son damcı” olub.
Saakaşvili istefa verdi - VİDEO
Mixail Saakaşvili Ukraynanın Odessa vilayətinin qubernatoru Mixail Saakaşvili vəzifəsindən istefa vermək barədə qərar qəbul edib.
Mixail Saakaşvili bildirib ki, Ukrayna prezidenti
Pyotr Poroşenko regionda korrupsiya klanlarını şəxsən
dəstəkləyir. Onun sözlərinə görə, bunlar Odessa meri
Gennadi Truxanov və Odessa vilayət şurasının sədri Anatoli
Urbanskiyin klanlarıdır.
Ukraynanın Odesa vilayətinin qubernatoru Mixail Saakaşvili
istefa ərizəsini artıq Prezident Administrasiyasına göndərib.
Saakaşvilinin mətbuat katibi Darina Çijin sözlərinə görə, Mixail
Saakaşvili istefa ərizəsinin Ukrayna prezidenti Pyotr Poroşenko
tərəfindən təmin edilməsini gözləyir.
Ukrayna prezident administrasiyası Odessa
vilayətinin qubernatoru Mixail Saakaşvilinin istefa qərarını şərh
edib. Administrasiyadan verilən məlumata görə,
Ukrayna prezidenti Pyotr Poroşenko Nazirlər Kabinetinin
razılığından sonra Saakaşvilinin istefasını qəbul edəcək.
“Pyotr Poroşenko Bloku”nun sədr müavini Aleksey
Qonçarenko isə söyləyib ki, Mixail Saakaşvili öz partiyasını
yaradıb, Ukrayna siyasətində özünü göstərmək istəyir.
“Saakaşvili bir gün belə qubernator işləməyib. O, Gürcüstanın xalq
artistidir və Ukraynada özünü həmişə siyasətçi kimi aparıb”.
“Özalın açdığı anbarlar qan gölünə dönəcək” – 6 il
əvvəkli toplantının ŞOK DETALLARI - VİDEO
Fəthullahçı Terror Təşkilatının (FETÖ) lideri Fəthullah
Gülənin 40 tələbəsindən biri olan şəxs 2010-cu ildə təşkil etdiyi
gizli toplantısında 15 iyul qanlı çevriliş cəhdi ilə bağlı planının
şifrələrini verib.
“Yeni Şafak” nəşrinin yazdığına görə, İzmir Respublika Baş
prokuroru Okan Batonun apardığı istintaq zamanı təşkilatın imamının
evində CD ələ keçirilib. CD-də gizli toplantıda müzakirə edilən
mövzuların detalları yer alıb. Toplantıda “Ergenekon” iddiası ilə
Türkiyənin ələ keçirilməsi layihəsinin həyata keçirildiyi, layihə
müvəffəqiyyətli olmayacağı halda, bunun qanlı bir çevrilişlə həyata
keçiriləcəyi bildirilir.
Gizli toplantıda qeyd edilir ki, 2017-ci ilə kimi hər şey
“bitəcək”.
“Ən mühüm şərt sizin aktivliyinizdir. Təəssüf ki, biz
hocaəfəndinin (Fəthullah Gülən –red.) istədiklərini bu günə qədər
reallaşdıra bilmədik. Əgər bu iş ağrılı olsa, hər yeri qan götürər,
Özalın (Türkiyənin 8-ci prezidenti Turqut Özal –red.) açdığı
anbarlar qanla dolar”, - gizli toplantıda deyilir.
Söhbət zamanı çevrilişin Türkiyə Hava Qüvvələrinin rəhbərliyində
yer alan “Kahtani” adlı şəxs tərəfindən həyata keçiriləcəyi
bildirilir.
Toplantıda FETÖ-nün dünyanı ələ keçirmə planından da danışıblar:
“Kahtaninin birinci vəzifəsi Türkiyədir. Sonra Mərkəzi Asiya
ölkələri və islam dünyası, bütün xristian ölkələr diz çökdürüləcək.
Ən son addım olaraq bütün ölkələr fəth ediləcək. Hocaəfəndinin ən
son gedəcəyi yer Çin olacaq. Üç Fəthullah Gülən dövrü var. Hazırda
ikinci Gülən dövrüdür. Üçüncü Gülən dövrü 2028-də başlanır.
Fəthullah Gülən 2028-ci ildə Çinə gedəcək. 2029-cu ildə silahla
öldürülərək şəhid olacaq, çünki vəzifəsini tamamlamış olacaq”.
“Özalın açdığı anbarlar qan gölünə dönəcək” – 6 il əvvəkli toplantının ŞOK DETALLARI - VİDEO
Gizli toplantıda qeyd edilir ki, 2017-ci ilə kimi hər şey “bitəcək”.
Ömər Dağlı
Xəbərin orijinal ünvanı: http://publika.az/news/nida/175091.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)