Aktual mövzular: Dollar alış-satışı , Hava, Məzənnə, Neftin qiyməti

Rövnəq Abdullayev Abu-Dabidə bir sıra görüşlər keçirib - FOTO

Rövnəq Abdullayev Abu-Dabidə bir sıra görüşlər keçirib - FOTO

"Biz nə bilək ki, oyun qumara qoyulacaq" - Rövnəq Abdullayev (15 Mart 2017 14:52)
Prezident Fransada bir sıra görüşlər keçirib (13 Mart 2017 11:39)
"Məgər Almaniya bizim oyun sirrimizi öyrənəcək?" - Rövnəq Abdullayev (10 Mart 2017 20:57)

Tarix: 7 Noyabr 2016 23:05

SOCAR-ın prezidenti Rövnəq Abdullayev Abu-Dabi Beynəlxalq neft-qaz sərgi konfrasında iştirak etmək üçün Birləşmiş Ərəb Əmirliklərinə səfər etmişdir.

Milli.Az bildirir ki, dünyanın böyük neft və qaz şirkətlərinin iştirak etdiyi forum çərçivəsində SOCAR-ın prezidenti bir sıra ikitərəfli görüşlər keçirmişdir. BP şirkətinin prezidenti Bob Dadli ilə görüşdə BP-nin Azərbaycanda həyata keçirilən ən böyük layihələrdə SOCAR-ın etibarlı tərəfdaşı olduğu qeyd edilmiş, ''AÇG'' yatağında uğurlu birgə fəaliyyətin aspektləri müzakirə olunmuşdur. İki şirkət arasında Azərbaycanda və xaricdə birgə layihələr üzrə biznesin inkişafı məsələləri ətrafında fikir mübadiləsi aparılmışdır.

Daha sonra Total şirkətinin prezidenti Patrik Puyyane ilə görüşən SOCAR prezidenti Rövnəq Abdullayev Totalın Azərbaycanda uğurlu fəaliyyət tarixçəsindən danışmış, əməkdaşlığın hazırkı durumu dəyərləndirilmişdir. Görüşdə ''Abşeron'' layihəsinin investisiya fazasına keçməsi, iki şirkət arasında əməkdaşlığın genişləndirilməsi məsələləri müzakirə olunmuşdur. Statoil şirkətinin prezidenti Eldar Setre ilə görüşdə dünya neft-qaz bazarında baş verən yeniliklər fonunda ''AÇG'' layihəsinin inkişafı, ''Qarabağ'' yatağı üzrə əməkdaşlıq məsələlərinə toxunulmuş, Azərbaycanda həyata keçirilən layihələrdə Statoil şirkətinin iştirak imkanları, investisiya perspektivləri haqqında ətraflı müzakirələr aparılmışdır. SOCAR-ın prezidenti Rövnəq Abdullayev Abu-Dabi səfəri çərçivəsində ExxonMobil şirkətinin prezidenti Reks Tillersonla da görüş keçirmişdir. ExxonMobil şirkətinin rəhbəri SOCAR-ın Azərbaycanda və xaricdə həyata keçirdiyi layihələri maraqla izlədiklərini bildirmiş, SOCAR-ExxonMobile əməkdaşlığının daha da dərinləşdirilməsində maraqlı olduqlarını söyləmişdir.

Milli.Az




Teqlər:  Rövnəq Abdullayev Abu-Dabidə sıra görüşlər keçirib FOTO



RƏYLƏR


Top xəbərlər