Aktual mövzular: Dollar alış-satışı , Hava haqqında, Məzənnə, Neftin qiyməti

ABŞ prezidentini seçir: Klinton favorit, Tramp sürpriz

ABŞ prezidentini seçir: Klinton favorit, Tramp sürpriz

Date: 8 November 2016 11:43

Bu gün dünyanın ən güclü dövləti – ABŞ-ı ən azından dörd il idarə edəcək yeni şəxsin kimliyinə aydınlıq gələcək.

Publika.az xəbər verir ki, demokratların namizədi Hillari Klinton həm anketlərdə, həm də bukmekerdə öndədir.

Klinton favorit, Tramp sürpriz

Amerikalılar bu gün ölkə tarixinin ən aqressiv və anormal kampaniyadan sonra yeni prezidentlərini seçirlər. Klintonun şansları yüksək qiymətləndirilir. Ancaq Tramp strateji əhəmiyyət daşıyan ştatlarda sürpriz edə bilər.

Klinton seçki kampaniyası həyata keçirdi, Tramp isə bir nəfərlik şou təşkil etdi. Respublikaçılar Barak Obamanın ABŞ-da doğulmadığını iddia edərək siyasətə atılan Donald Trampın (70) ancaq komediya proqramları üçün vəsait olacağını hesab edirdilər. Klinton isə indiyə kimi prezident seçilən digərləri kimi mütəşəkkil bir seçki kampaniyası keçirir. Tramp isə öz cibindən pul xərcləyərək tək nəfərlik şou... Kimin hansı mövzuda nə düşündüyünü müzakirə etməyə çox vaxt qalmadı, çünki hər ikisi haqlarında irəli sürülən qalmaqallarla məşğul oldu. Hillari Klinton dövlət katibi olduğu dövrdə dövlətin gizli məlumatlarının ötürülməsi üçün şəxsi elektron poçtundan istifadədə ittiham olundu, Federal Təhqiqatlar Bürosunun istintaqına cəlb edildi.

Trampın isə daha əvvəllər qadınlar haqqında söylədiyi alçaldıcı sözlərin yer aldığı videoları ortaya çıxdı.

Hillari Klinton diqqətsiz davrandığını qəbul edərək üzr istədi. Tramp isə soyunma otağında ikən hər kişinin öz yoldaşlarına həmin sözləri söyləyə biləcəyini bildirdi, amma o da üzr istədi. Namizədlər bir-birnin təhqir etməkdən çəkinmədilər və 1,5 ildə Amerika siyasi tarixinin ən əcaib seçki kampaniyasını təşkil etdilər. Və bir çoxlarına görə, Amerika siyasətinin qaydaları artıq geri dönüşü olmayacaq şəkildə dəyişdi. Məğlub olsa belə məhz buna görə Trampın çoxdan qazandığı bildirilir.

Sorğular və bukmeker kontorları nə deyir?

ABC/”Washington Post”: Klinton 48, Tramp 43

NBC/”Wall Street Journal”: Klinton 44, Tramp 40

“Morning Consult”: Klinton 45, Tramp 42

“FiveThirtyEight”: Klinton 48, Tramp 46

“Fox News”: Klinton 45, Tramp 43

“USA Today”: Klinton 45, Tramp 43

“McClatchy”/”Marist”: Klinton 46, Tramp 44

“Ipsos”/”Reuters”: Klinton 44, Tramp 40

“Lucid”/”The Times-Picayune”: Klinton 44, Tramp 39

“YouGov”/”Economist”: Klinton 46, Tramp 43

“New York Times”/”CBS News”: Klinton 47, Tramp 44

“Pew”: Klinton 46, Tramp 40

CNN: Kinton 49, Tramp 44

Bukmeker kontorlarında isə sorğularla müqayisədə Klintonun şansı daha yüksək qiymətləndirilir. ABŞ və İngiltərədə yerləşən bukmeker kontorlarına görə, Klintonun seçkiləri qazanma ehtimalı 80 faiz ətrafındadır.

Hillari Klintonun portreti

2013-cü ildə dövlət katibi postundan ayrılanda hər kəs onun prezidentliyə namizəd olacağını təxmin edirdi. Amma ilk iki ilini Obamanı küsdürmədən ondan məmnun olmayanları hansı formada yanına çəkə biləcəyini düşünərək keçirdi. Əvvəlcə 2012-ci ldə Bengazi hücumunda öldürülən amerikalı səfir və digər səlahiyyətlərlə əlaqədar suallarla boğuşdu. Daha sonra xalqın başındakı “etibarsız” imicini məğlub etmək üçün çalışdı. Seçki kampaniyasında Berni Sanderslə, daha sonra “e-poçt” qalmaqalı ilə mübarizə apardı.

- Yaş: 69.

- Təhsili: Yale Universiteti.

- Karyerası: 2001-2009-cu illər Nyu-York şəhərindən senator, 2009-2013-cü illər dövlət katibi.

- Mənşəyi: Çikakoda doğulub, ailəsi Uelsdən gəlib.

- Ailəsi: keçmiş prezident Bill Klintonla evlidir, bir qız övladı var.

- Siyasi mənsubiyyəti: Demokratlar Partiyası.

- Şüarı: “Birlikdə daha güclü”.

Trampın portreti:

Tramp ilk olaraq ciddi qəbul olunması üçün işlədi. İki il əvvəl Obamanın Ağ Evdə təşkil etdiyi bir tədbirdə çıxışının böyük hissəsində “lağ etmək üçün” namizəd olmadığını sübut etməyə çalışdı. Amma qalmaqallar ondan əl çəkmədi: meksikalı miqrantlara “təcavüzkar” deməsi, müsəlmanların ABŞ-a girişini qadağan edəcəyini söyləməsi, vergi bəyannaməsini açıqlamaması və sair. Ona ən böyük zərbə isə qadınlar haqqında alçaldıcı sözləri yer alan bir videonun çıxması (oktyabr ayında) oldu. Sonra isə KİV Trampın təhqirlərinə məruz qaldığını söyləyən qadınlarla doldu.

- Yaş: 70.

- Təhsili: Pensilvaniya Universiteti.

- Karyerası: İş adamı, dörd dəfə müflis elan edilməsi üçün müraciət edib.

- Mənşəyi: Nyu-Yorkda doğulub, ailənin mənşəyi Almaniya və Şotlandiyadandır.

- Ailəsi: Üçüncü həyat yoldaşı Melania Tramp ilə evlidir, beş uşağı var.

- Siyasi mənsubiyyəti: 2012-ci ildən pespublikaçıdır. Demokrat Partiyasının üzvü olduğu dövrlər olub.

- Şüarı: “Amerikanı yenidən böyük edəcəyik” .

Ömər Dağlı


Tags:  ABŞ prezidentini seçir Klinton favorit Tramp sürpriz

RƏYLƏR


Top news