Aktual mövzular: Dollar alış-satışı , Hava haqqında, Məzənnə, Neftin qiyməti

Zərərçəkmiş: "Maşallah Əhmədov bizi aldatdığına görə oğlumu həbs etdilər"

Zərərçəkmiş: "Maşallah Əhmədov bizi aldatdığına görə oğlumu həbs etdilər"

Date: 8 November 2016 11:57

Bu gün Bakı Ağır Cinayətlər Məhkəməsində dələduzluqda təqsirli bilinən futbolçu Maşallah Əhmədovun cinayət işi üzrə məhkəmə prosesinin növbəti iclası keçirilib.

Milli.Az Trend-ə istinadən bildirir ki, hakim Mirzə Xankişiyevin sədrliyi ilə keçirilən prosesdə ifadə verən zərərçəkmiş Salyan Hüseynov bildirib ki, M.Əhmədov onu aldadıb: "Maşallahı 20 ildir ki, tanıyıram. Oğlumun banka borcu var idi. Maşallahın yanına gedib, bu haqda ona dedim. O da mənə məsələni həll edəcəyini bildirdi. Banka gedib 12 min dollar kredit götürdük. Maşallah pulun onda qalmasını istədi. Oğlum Sərxan da onun yanında qaldı. Sonra Maşallahdan xəbər çıxmadı. Bankdan zəng gəldi ki, krediti ödəmək lazımdır. Maşallah məni aldatdı. Sonra oğlumu kreditə görə həbs etdilər. Maşallah mənə əvvəl 4800 manat, daha sonra 1500 manat da verdi. Maşallah daş satıb bu pulları versə də, hazırda onun mənə 3000 manat borcu var".

M.Əhmədov isə şahidin yalan danışdığını deyib: "Mən 5 min 83 manat ona pul ödədim. Daşları da onlar satdılar".

Prosesdə ifadə verən şahid Tariyel Məmmədov isə bildirib ki, daşlar əvvəl onun çalışdığı sexə yığılıb: "Maşallah, Yusif müəlllim, Fəqan və digər bir nəfər sexə gəldilr. Daşlar sexdə yığılmışdı. Daha sonra Fəqan bir maşın daşı apardı. Maşallah da daşları aparanda Yusif müəllimə xəbər elədim. O da dedi ki, bundan xəbərim var. Onlar daşları aparanda Yusif müəllim orada yox idi. Mənə də 200 manat pul verdilər".

Məhkəmənin növbəti iclası noyabrın 15-nə təyin edilib.

Xatırladaq ki, M.Əhmədov 2015-ci il dekabrın 14-d Binəqədi Rayon Polis İdarəsinin əməkdaşları tərəfindən saxlanılıb. İlkin məlumata görə, bizneslə məşğul olan "Neftçi"nin keçmiş futbolçusu bir neçə nəfərə 150 min manatdan artıq dəyərə xaricdən daş plitə gətirəcəyini vəd edib. Lakin sözünə əməl etməyib və həmin şəxslərin pulunu qaytarmayıb.

Binəqədi Rayon Məhkəməsi M.Əhmədov barəsində ev dustaqlığı barədə qərar qəbul edib.

Milli.Az


Tags:  Zərərçəkmiş Maşallah Əhmədov bizi aldatdığına oğlumu həbs etdilər

RƏYLƏR


Top news