Aktual mövzular: Dollar alış-satışı , Hava haqqında, Məzənnə, Neftin qiyməti

Bakının bir hissəsində internet çökdü

Bakının bir hissəsində internet çökdü

Date: 8 November 2016 12:32

Bakının bir hissəsi yenə internetsiz qalıb. "Bakinternet" abunəçiləri bu gün gecə saatlarından problemlə üzləşiblər və internet hələ də bərpa olunmayıb.

Milli.Az bildirir ki, bu şikayətlə virtualaz.org-a Nizami və Xətai rayonlarında yaşayan abonentlər müraciət ediblər.

"Gecə növbəsində işləyirəm. Təxminən saat 4:00-dan Nizami rayonunda internet yoxdur. Əvvəlcə elə bildim, şəxsi problemdir, amma rayonun bütün internet klublarının, o cümlədən Xətai rayonunun əksər internet klublarını gəzdikdən sonra başa düşdüm ki, bu rayonların heç birində internet yoxdur. Ödənişi də vaxtında etmişəm. Heç bir xəbərdarlıqsız internetimizi kəsiblər", - deyə şikayətçi bildirib.

Yaranmış problemlə bağlı Bakı Telefon Rabitəsi İstehsalat Birliyi ilə əlaqə saxladıq. Birliyin Mərkəzi Dispetçer Xidmətinin mühəndisi İlqar Dünyamalıyev isə bildirdi ki, hazırda "Bakinternet"in verilişində heç bir problem yoxdur: "İnternet əlaqəsi nəzarətimizdədir, "Bakinternet"də kəsilmə yoxdur. Sadəcə olaraq, abonentlərimiz indiyə kimi bir aylıq internet istifadəsindən sonra ödəniş edirdilər. İndi ödəniş əvvəldə edilir. Bununla bağlı abonentlərimizin çoxuna sms vasitəsilə məlumat vermişik. Bəzi borclu abonentlərimiz var ki, onlar məlumatsızdırlar və borclu olduqlarına görə internetləri kəsilib. Borcu olmayan abonentlərin internetinin kəsilməsi yüklənmə ilə əlaqədar ola bilər".

Milli.Az


Tags:  Bakının hissəsində internet çökdü


RƏYLƏR


Top news