Aktual mövzular: Dollar alış-satışı , Hava haqqında, Məzənnə, Neftin qiyməti

Hakimin oğlunu öldürən gənc MƏHKƏMƏ QARŞISINDA

Hakimin oğlunu öldürən gənc MƏHKƏMƏ QARŞISINDA

Date: 8 November 2016 13:09

Bakıda Tərtər Hərbi Məhkəməsinin hakimi Elbəy Allahverdiyevin oğlu Rüfət Allahverdiyevi vuraraq hadisə yerindən qaçmaqda təqsirləndirilən Rəhim Kərimovun cinayət işi üzrə məhkəmə başlayıb.

 

Lent.az-ın məlumatına görə, Bakı Ağır Cinayətlər Məhkəməsində hakim Səbuhi Hüseynovun sədrliyi ilə keçirilən hazırlıq iclasında təqsirləndirilən şəxsin anket məlumatları dəqiqləşdirilib. Vəkil Orxan Əhmədov vəsatətlərlə çıxış edib. O, bildirib ki, müdafiə etdiyi şəxsə hadisə zamanı sərxoş olması ilə bağlı ittiham verilib:

 

"Bununla bağlı ekspertiza keçirilib, onun sərxoş olmasını müəyyən edilməyib. Onun sərxoş olması barədə sübut yoxdur".

 

Vəkil müdafiə etdiyi şəxsin hadisə yerindən qaçması ilə bağlı ittihama da münasibət bildirərək deyib ki, Rəhim Kərimov hadisədən sonra mərhuma yardım göstərib və bununla bağlı kamera görüntüləri var: "Özünü polislərə təqdim edib, 102 xidmətinə özü məlumat verib".

 

Vəkil cinayət işinin baxılmasına xitam verilməsini, işin istintaqa qaytarılması, sadaladığı sübutların cinayət işindən xaric edilməsini istəyib. Məhkəmə vəsatətləri baxılmamış saxlayıb. Məhkəmə baxışı noyabrın 22-nə təyin edilib.

 

Qeyd edək ki, hadisə mayın 11-də saat 03:00 radələrində Nəsimi rayonunun Bülbül prospektində baş verib. Bakı şəhər sakini R.Kərimov idarə etdiyi "Mercedes" markalı avtomobil piyada R.Allahverdiyevi vurub. Yaralı xəstəxanaya çatdırılsa da, onun həyatını xilas etmək mümkün olmayıb. R.Allahverdiyev mayın 12-də orada dünyasını dəyişib. Tərtər Hərbi Məhkəməsinin hakiminin oğlu Elbəy Allahverdiyevin oğlu olan 19 yaşlı R.Allahverdiyev Azərbaycan Diplomatik Akademiyasının (ADA) 3-cü kurs tələbəsi olub. Hadisəni törədən şəxsin atası Mərkəzi Kliniki Xəstəxananın sabiq baş həkimi Yüzasif Kərimov dur.


Tags:  Hakimin oğlunu öldürən gənc MƏHKƏMƏ QARŞISINDA


RƏYLƏR


Top news