Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Azərbaycanda yol qəzasında ölən ərəblərin meyitləri ölkələrinə təhvil veriləcək

Azərbaycanda yol qəzasında ölən ərəblərin meyitləri ölkələrinə təhvil veriləcək

Date: 8 November 2016 13:42

Bakıda yol-nəqliyyat hadisəsində ölən ərəblərlə bağlı yeni faktlar açıqlanıb.

Milli.Az bildirir ki, İordaniya səfirliyindən APA-ya verilən məlumata görə, qəzada ölən kişi Birləşmiş Ərəb Əmirliklərinin, qadın isə İordaniyanın vətəndaşı olub. Onlar ər-arvad olmayıblar. Hər iki şəxs turist kimi Azərbaycana gəlib və burada tanış olublar. Yol-nəqliyyat hadisəsi də onlar gəzməyə gedərkən baş verib.
 
Səfirlikdən həmçinin bildirilib ki, hazırda ölən şəxslərin meyitlərinin ölkələrinə göndərilməsi üçün müvafiq sənədləşmə işləri həyata keçirilir.
 
Qeyd edək ki, məlum hadisə noyabrın 5-də Qaradağ rayonunun Ələt qəsəbəsində qeydə alınıb. Şirvan şəhər sakini Rasim Abıyevin idarə etdiyi "Mercedes" və Sumqayıt şəhər sakini Elçin Məmmədovun idarə etdiyi "Nissan" markalı avtomobillər toqquşub. Nəticədə E.Məmmədovun sərnişinlərindən - Suhail Saeed Almeqbaali və Lamees Ziyad Mahmoud Jbareh hadisə yerində ölüblər, özü və digər 1 sərnişini, habelə R.Abıyevin 1 sərnişini xəstəxanaya yerləşdirilib.
 
Faktla bağlı Baş İstintaq və Təhqiqat İdarəsi tərəfindən araşdırma aparılır.

Milli.Az


Tags:  Azərbaycanda yol qəzasında ölən ərəblərin meyitləri ölkələrinə təhvil veriləcək

RƏYLƏR


Top news