Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Vaan Martirosyan: "Ermənistanda hakim təbəqə xalqa qarşı soyqırım törədir"

Vaan Martirosyan: "Ermənistanda hakim təbəqə xalqa qarşı soyqırım törədir"

Date: 8 November 2016 13:57

"Ermənistanda həyasızcasına hakimiyyəti saxlayan və Xocalı soyqırımını törətmiş insanlar indi erməni xalqına qarşı soyqırım törədir".

Milli.Az Trend-ə istinadən bildirir ki, bu sözləri "Ermənistan-Azərbaycan Dağlıq Qarabağ münaqişəsi: əsas maneələr və nizamlanma perspektivləri. Ermənistan və Azərbaycandan baxış" mövzusunda bu gün Bakıda keçirilən konfransda erməni hüquq müdafiəçisi Vaan Martirosyan deyib.

V.Martirosyan deyib: "Onlar Ermənistan xalqından Bakıda erməni kilsəsinin bütünlüklə saxlanmasını, burada 30 min erməninin yaşadığını gizlədirlər, hansı ki, mən onlarla görüşmək imkanı əldə etdim".

O qeyd edib ki, Ermənistanda vəziyyət tam əksinədir:

"Məscidlər dağıdılır, tarix silinib yenidən yazılır. Ermənistan KİV-ləri bu tədbir barədə heç nə yazmayacaq".

O həmçinin qeyd edib ki, Ermənistanda müharibənin onlara xeyir gətirdiyini deyə biləcək bir adam da tapmaq olmaz: "Bunu yalnız sayı 500-ü keçməyən hakim təbəqənin nümayəndələri deyə bilər. Onlar bu münaqişədən qazanc əldə edirlər".

Milli.Az


Tags:  Vaan Martirosyan Ermənistanda hakim təbəqə xalqa qarşı soyqırım törədir


RƏYLƏR


Top news