Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

SOCAR İstiqrazlarının təkrar bazarda bu günədək ən yüksək alğı-satqısı baş tutub

SOCAR İstiqrazlarının təkrar bazarda bu günədək ən yüksək alğı-satqısı baş tutub

Date: 8 November 2016 16:37

7 noyabr 2016 tarixində Bakı Fond Birjasında (BFB) SOCAR İstiqrazları üzrə 2 260 016.77 ABŞ dolları məbləğində 3 əqd bağlanıb.

Belə ki, əqdlərdən biri üzrə 1 024.82 dollardan 1122 ədəd istiqraz alğı-satqısı gerçəkləşib və beləliklə, bu günə kimi istiqrazların təkrar bazarında ən yüksək alğı-satqı əməliyyatı baş tutub. Əməliyyatın ümumi dəyəri 1 149 848.00 dollar olub.

Nominal dəyəri 1000 ABŞ dolları təşkil edən SOCAR İstiqrazlarının satışına cari ilin 20 sentyabr tarixində başlanmışdı. Sifariş qəbulu 10 oktyabr tarixinədək davam edən və ümumi buraxılış məbləği 100 milyon ABŞ dolları olan istiqrazlara 203 milyon dollardan artıq tələb gəlmişdi.

SOCAR İstiqrazlarının təkrar bazarda tədavülünə isə 18 oktyabr 2016 tarixində start verilib. Günü-gündən bahalaşan SOCAR İstiqrazlarına göstərilən tələb təkrar bazarda da yüksəkdir. Belə ki, BFB-də baş tutan alğı-satqı əməliyyatlarının ümumi məbləği 7, 471, 042.22 ABŞ dollarıdır.

Xatırladaq ki, SOCAR İstiqrazları 2021-ci ilə qədər tədavüldə olacaq. Onların illik gəlirliliyi 5%-dir. Faizlər hər 3 aydan bir ödənilir.


Tags:  SOCAR İstiqrazlarının təkrar bazarda bu günədək yüksək alğı-satqısı baş tutub


RƏYLƏR


Top news