Hadı Rəcəblinin gəlini polisə ifadə verib? - RƏSMİ AÇIQLAMA

Hadı Rəcəblinin gəlini polisə ifadə verib? - RƏSMİ AÇIQLAMA
17:05 8 Noyabr 2016
1141 Ölkə
Ölkə mətbuatı
A- A+

Bir neçə gündür bir çox saytlarda internet portallarında Milli Məclisin deputatı, Sosial Siyasət Komitəsinin sədri Hadı Rəcəblinin dələduzluqda ittiham edilən gəlini Zərifə Beruzova ilə bağlı Suraxanı Rayon Polis İdarəsinə gedərək ifadə verməsi ilə bağlı məlumatlar yayılıb.

Milli.Az bizimyol-a istinadən bildirir ki, yayılan məlumatda Hadı Rəcəblinin polis idarəsində gəlininə zamin duraraq borclu olduğu pulun tez bir zamanda yiyəsinə qaytarılmasına dair zəmanət verdiyi bildirilib.

Baş verən olayla bağlı bizimyol.info saytının əməkdaşı Hadı Rəcəbli ilə əlaqə saxlasa da, o, bu barədə danışmaq istəmədiyini, DİN-lə əlaqə saxlamağı xahiş edib. Məsələ ilə bağlı  açıqlama verən DİN-nin Mətbuat Xidmətinin rəis müavini, polis polkovniki Ehsan Zahidov məlumatın yalan olduğunu bildirib.

"Milli Məclisin deputatı Hadı Rəcəblinin Suraxanı Rayon Polis İdarəsinə çağrılaraq ondan ifadə alınması ilə bağlı məlumatlar həqiqəti əks etdirmir. Bu başdan-ayağa yalan, uydurma məlumatdır. Hörmətli millət vəkili heç bir polis idarəsinə çağrılmayıb. Ondan ifadə alınması və hansısa vətəndaşa polis idarəsində zaminlik verməsi xəbəri tamamən yalandır. DİN jurnalistlərə müraciət edərək belə məlumatlar yayarkən hər bir KİV nümayəndəsini diqqətli olmağa cağırır."

Qeyd edək ki, bir neçə gün əvvəl bir sıra saytlarda deputatın gəlini Zərifə Beruzovanın vətəndaş Səidə Həsənovadan ümumilikdə 9 min ABŞ dolları dəyərində qaytarmaq məqsədi ilə gümüş qablar götürərək, sonradan onu qaytarmadığı haqda məlumatlar yayılmışdı.

Milli.Az


Xəbərin orijinal ünvanı: http://news.milli.az/country/487550.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR