Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

İtə görə "Sahil" bağında adam öldürəndən XƏBƏR VAR

İtə görə "Sahil" bağında adam öldürəndən XƏBƏR VAR

Date: 8 November 2016 18:17

"Sahil" bağında qətl törətməkdə təqsirləndirilən Elçin Çobanovun barəsində olan məhkəmə qərarından dövlət ittihamçısı tərəfindən verilən kassasiya protestinə baxılıb.

Milli.Az lent.az-a istinadən bildirir ki, Ali Məhkəmədə hakim Fərhad Kərimovun sədrliyi ilə keçirilən prosesdə qərar elan olunub. Qərara əsasən, prokurorluğun kassasiya protesti təmin edilməyib.
 
Qeyd edək ki, qətl  keçən il yanvar ayının 6-da "Sahil" bağında baş verib. Gürcüstan vətəndaşı, 1988-ci il təvəllüdlü Elçin Çobanov bağda it gəzdirən Həsən Həsənov və Orxan Məmmədzadəylə mübahisə edib. Mübahisəyə səbəb adıçəkilən şəxslərin Elçin Çobanov yoldaşına və qrup yoldaşlarının üzərinə iti hürdürməsi olub. Elçin Çobanov mübahisə zəminində hər iki şəxsi bıçaqlayıb. H.Həsənov hadisə yerində ölüb.
 
E.Çobanov Cinayət Məcəlləsinin 120.1-ci (qəsdən adam öldürmə, yəni digər şəxsi qəsdən həyatdan məhrum etmə) və 29,120.2.7-ci (iki və ya daha çox şəxsi öldürməyə cəhd) maddələri ilə ittiham olunub.
Bakı Ağır Cinayətlər Məhkəməsinin hökmü ilə E.Çobanov 17 il 6 ay müddətinə azadlıqdan məhrum edilib. Hökmdən narazı qalan məhkum apellyasiya şikayəti, prokurorluq isə apellyasiya protesti verib. Bakı Apellyaiya Məhkəməsi birinci instansiya məhkəməsinin çıxardığı hökmü dəyişdirmədən saxlayıb. Daha sonra dövlət ittihamçısı kassasiya protesti ilə Ali Məhkəməyə müraciət edib.

Milli.Az


Tags:  İtə Sahil bağında adam öldürəndən XƏBƏR VAR

RƏYLƏR


Top news