Aktual mövzular: Dollar alış-satışı , Hava haqqında, Məzənnə, Neftin qiyməti

ABŞ səfiri: "XİN rəhbərləri və prezidentlərin görüşünü təşkil etmək üçün səylər davam etdirilir"

ABŞ səfiri: "XİN rəhbərləri və prezidentlərin görüşünü təşkil etmək üçün səylər davam etdirilir"

Date: 9 November 2016 09:05

"Dağlıq Qarabağ münaqişəsinin hərbi yolla həlli yoxdur".

Milli.Az APA-ya istinadən bildirir ki, bunu jurnalistlərə açıqlamasında ABŞ-ın Azərbaycandakı səfiri Robert Sekuta xarici işlər naziri Elmar Məmmədyarovun ermənistanlı həmkarı ilə növbəti görüşə ümid olmaması barədə söylədiklərinə münasibət bildirərkən söyləyib.
 
R. Sekuta deyib ki,  ABŞ-ı ATƏT-in Minsk Qrupunda həmsədr kimi səfir Ceyms Uorlik təmsil edir və danışıqlarda bilavasitə o iştirak edir: "Amma onu deyə bilərəm ki, həmsədrlər münaqişənin sülh yolu ilə həlli ilə əlaqədar tərəfləri bir araya gətirmək üçün səylərini davam etdirirlər. Azərbaycan və Ermənistan xarici işlər nazirləri və prezidentlərinin görüşünü təşkil etmək üçün səylər davam etdirilir. Bir şey də birmənalıdır ki, bu münaqişənin hərbi yolla həlli yoxdur. Buna görə də məhz sülh yolu ilə münaqişənin həllinə nail olmaq üçün tərəflər bir araya gəlməlidirlər. Bu, çox vacibdir. Həm azərbaycanlılar, həm ermənilər bu münaqişənin, belə bir vəziyyətin həddən artıq uzun müddət davam etdiyi fikri ilə razıdırlar. Sülh yolu ilə irəliləyişin və nizamlanmanın əldə olunması üçün tərəflər tez bir zamanda bir araya gəlməlidirlər".

Milli.Az


Tags:  ABŞ səfiri XİN rəhbərləri prezidentlərin görüşünü təşkil etmək səylər davam etdirilir

RƏYLƏR


Top news