Aktual mövzular: Dollar alış-satışı , Hava haqqında, Məzənnə, Neftin qiyməti

5 689 yeni iş yerinin yaradılacağı gözlənilir

5 689 yeni iş yerinin yaradılacağı gözlənilir

Date: 9 November 2016 13:08

Bu ilin yanvar-sentyabr ayları ərzində Azərbaycan İqtisadiyyat Nazirliyinin Sahibkarlığa Kömək Milli Fondu (SKMF) tərəfindən 1815 layihənin icrası üçün 120 mln. 585,1 min manat məbləğində güzəştli kredit verilib.

Publika.az SKMF-a istinadən xəbər verir ki, hesabat dövründə 1768 layihənin reallaşması üçün ayrılan 16 mln. 671,6 min manat kiçik həcmli kreditləri, 21 layihənin icrasına verilən 5 mln. 735 min manat orta həcmli kreditləri, 26 layihənin həyata keçirilməsinə ayrılan 98 mln. 178,5 min manat isə böyük həcmli kreditləri əhatə edib.

Cari ilin III rübündə sahibkarlara ayrılan 19 mln. 269 min manat müxtəlif sənaye məhsullarının istehsalı və emalına (82 layihə), 17 mln. 838,5 min manat kənd təsərrüfatı məhsullarının emalına (11 layihə), 70 mln. 962,6 min manat kənd təsərrüfatı məhsullarının istehsalına (1718 layihə), 12 mln. 515 min manat isə xidmət (infrastruktur) sahələrinin inkişafına (4 layihə) yönəldilib.

Ümumiyyətlə, SKMF tərəfindən cari ilin yanvar-sentyabr aylarında layihələrin icrasına ayrılan güzəştli kreditlər hesabına 5 689 yeni iş yerinin yaradılacağı gözlənilir.

İqtisadiyyat şöbəsi


Tags:  689 yeni yerinin yaradılacağı gözlənilir

RƏYLƏR


Top news