Əllamə Məclisinin mübarək bədəni İsfahan məscidinin kənarında dəfn edilmişdir. Şagirdi Nemətullah Cəzairi belə yazır: "Mən ömrümün 20 ilini Məclisinin dərslərində keçirtmişəm. Onun qəbrinin yanına gəlmişdim və çox qərarsız idim. Qəbrin yanından qalxıb getmək üçün gücüm yox idi, ürəyim istəyirdi ki, gecə-gündüz burada qalam. Əllamənin qəbrində o qədər ağladım ki, halsız oldum. Bilmirəm ki, yuxuya getdim, yoxsa çox halsız oldum, gördüm ki, Əllamənin qəbri açıldı və o, qəbirdən bayıra çıxdı. Qəbrin kənarında oturub, mənə dedi: "Seyid Nemətullah! Mən öləndən sonra başa düşdüm ki, ölmüşəm".
Milli.Az deyerler.org-a istinadən bildirir ki, Seyid Nemətullahın nəql etdiyi bu yuxu Əmirəl-möminin (ə) ölüm haqqında dediklərini isbat edir. Belə ki, bu alim yatır və gözünü açanda özünü bərzəx alımində görür. Demək olar ki, nəql edilən yuxuların ancaq onları sadiq yuxular sayılır ki, Quran və hədislərlə uyğun gəlsin. Qurani-Kərimdə beş yuxu haqqında nəql edilmişdir: Yusifin (ə) yuxusu, İbrahimin (ə) yuxusu, Misir padşahının yuxusu və Rəsullahın (ə) gördüyü iki yuxu. Yusifin (ə) mənəvi paklığına görə gördüyü yuxu gələcəkdə baş verəcəklər idi ki, Allah ona göstərirdi. Peyğəmbərin (s) gördüyü iki yuxunun biri o idi ki, Peyğəmbər (s) uzun müddət Məkkədən çıxdığı üçün ürəyi ora üçün darıxırdı. Yuxuda görür ki, Məkkəyə getmişdir. Məcsidul-Hərama daxil olmuşdur. Gördüyü o biri yuxu isə Peyğəmbərin (s) vəfatından sonra Bəni-Üməyyənin zülmü haqqında olmuşdur. İbrahim (ə) də yuxu görmüşdü və o, görmüşdü ki, İsmayılı (ə) Allah yolunda qurban kəsir. Əgər yuxu Quran ayələrinə uyğun gələrsə, düzgün yuxu olar.
İmam Sadiqə (ə) sual verirlər: "Mömin necə ölür?" İmam bəsirət əhli olduğundan ölümü hiss edir. Buyurur: "Elə olub ki, süfrədə oturasan və qarşında bir kasa qatıq olsun?" Kişi dedi: Bəli. İmam buyurdu: "Belə olubmu ki, bu kasanın içində nazik bir tük görəsən?" Dedi: Bəli. İmam buyurdu: "Bu tüklə nə edirsən?" Kişi dedi: "İki barmağımla tükü götürüb, bayıra çıxardıram". Buyurdu: "Qatıq hiss edirmi ki, bu tükü götürmüsən? Ölüm də ölüm mələyi vasitəsilə qatıqdan tük çıxartmağa bənzəyir".
Allahın Rəsulu (s) buyurur: "Ölüm - Allahın möminə bir hədiyyəsidir". Əgər belə olmasaydı İbni Mulcəmin Əmirəl-möminə (ə) vurduğu qılınc onun bu sözləri deməyinə səbəb olmazdı: "Həqiqətən xilas olmuşlardan oldum". Əgər belə olmasaydı, Şümr (lən) İmam Hüseynin (ə) boğazını kəsəndə İmam gülümsəməzdi.
Rəsullahın (s) bərzəx aləmi haqqındakı şərhləri
"Belə xəyal etməyin ki, ölümdən sonrakı evimiz qəbirdir. Bu qəbirlər cisim üçündür. Bizim həqiqətimiz olan ruhumuz behiştə bənzər evlərdə qərar tutur. Pis əməl sahibləri də cəhənnəm çalalarına oxşar çalalarda yaşayarlar. Onlar ki, bu çalalarda qərar tuturlar, dua edirlər ki, Qiyamət olmasın, çünki buranın atəşi onlar üçün behiştdir".
Cəhənnəm hara, bərzəx cəhənnəmi hara? Bu, cismin ölümüdür. Başqa bir ölüm isə batini ölümdür. Batini ölümün nişanələrindən biri odur ki, insanın qulağı İlahi məsələləri və İmamların (ə) sözlərini eşitməz.
Əgər İlahi vacibat olan hicaba riayət etməsəniz və desəniz ki, müasir dünyada yaşayırıq, ancaq biləsiniz ki, bu vacibatdır və onu tərk edəsiniz - küfr etmiş hökmündəsiniz. Yəni elmli bir qadın bilir ki, hicab taxmaq zəruridir, deyər ki, mən hicab istəmirəm - günahkardır. Quran bu cür insanları ölü adlandırır ("Fatir" surəsində).
Peyğəmbəri-Əkrəm (s) 13 il səhər və axşam, küçədə və Məscidul-Haramda Məkkə böyüklərinə və qohumlarına deyirdi ki, bu, Allahın sözləridir, ona qulaq asın. Onlar isə Həzrətə (s) əziyyət verir, daş və ya çubuqla onu vururdular. Allah Təala belə bir ayə nazil edir ki, onlar ölüdürlər. Bədənləri hərəkət edən qəbirlərdir, özləri isə bu qəbirdə ölüdürlər. Bu ölülər sənin səsini necə eşidə bilərlər?!
Səlman, Həzrət Xədicə (s.ə), Yasir diri idilər və Həzrətin səsini eşitdilər, qəbul etdilər. Ancaq ölünün nişanəsi odur ki, Allahın, Peyğəmbərin (s) və İmamların (ə) sözlərinə qulaq asmırlar.
Milli.Az
