Aktual mövzular: Dollar alış-satışı , Hava, Məzənnə, Neftin qiyməti

AMEA və “AzerGold” QSC arasında əməkdaşlıq memorandumu imzalanıb

AMEA və “AzerGold” QSC arasında əməkdaşlıq memorandumu imzalanıb

Nəqliyyat, Rabitə və Yüksək Texnologiyalar Nazirliyi ilə Fransanın İqtisadiyyat, Sənaye və Rəqəmsal Nazirliyi arasında əməkdaşlığa dair Anlaşma Memorandumu imzalanıb (15 Mart 2017 10:35)
Parisdə Azərbaycan-Fransa sənədləri imzalanıb (15 Mart 2017 01:12)
Azərbaycan-Fransa sənədləri imzalanıb - FOTO (15 Mart 2017 00:32)

Tarix: 10 Noyabr 2016 13:12

Bakı. 10 noyabr. REPORT.AZ/ Azərbaycan Milli Elmlər Akademiyasının (AMEA) Geologiya və Geofizika İnstitutu (GGİ) ilə “AzerGold” Qapalı Səhmdar Cəmiyyəti filiz yataqlarının geologiyası və dağ-mədən tədqiqatları sahəsində əməkdaşlıq edəcəklər.
AMEA-dan "Report"a verilən məlumata görə, bu məqsədlə iki qurum arasında memorandum imzalanıb.
Sənədi AMEA-nın prezidenti, akademik Akif Əlizadə və səhmdar cəmiyyətin İdarə Heyətinin sədri Zakir İbrahimov imzalayıblar. 
Əməkdaşlıq memorandumuna əsasən, müştərək olaraq alim və mütəxəssislər Azərbaycan ərazisində mövcud filiz yataqlarının geoloji-geofiziki tədqiqini aparacaqlar. Sənəd elmi-tədqiqat, təhsil və innovasiya sahələrində iş birliyinin möhkəmləndirilməsini, layihə və inkişaf proqramlarının həyata keçirilməsini və dağ-mədən sahəsində ixtisaslaşmış insan resurslarının formalaşdırılmasını nəzərdə tutur. Bunun üçün qarşılıqlı məsləhət və texniki təlim xidmətləri təşkil ediləcək, birgə elmi-praktik konfranslar və görüşlər keçiriləcək.
Sənədə görə, bütün bu işlər üçün tərəflər texniki, maliyyə və kadr imkanlarını səfərbər edəcəklər. Bunun üçün “AzerGold” QSC-nin GGİ-nin kadr potensialı və maddi-teniki bazasından faydalanması, analitik laboratoriyalarından yararlanması, həmçinin institutun şirkət üçün gənc mütəxəssislər hazırlamaq istiqamətində köməyi də memorandumda öz əksini tapır. Bundan başqa, sənəddə “AzerGold” QSC-nin kəşfiyyat sahələrində və dağ-mədən müəssisələrində tədqiqatlar aparmaq üçün AMEA-nın gənc alim və mütəxəssislərinə şərait yaratması məsələsi də nəzərdə tutulub.


Teqlər:  AMEA AzerGold QSC arasında əməkdaşlıq memorandumu imzalanıb



RƏYLƏR


Top xəbərlər