Aktual mövzular: Dollar alış-satışı , Hava haqqında, Məzənnə, Neftin qiyməti

Aparat rəhbərinin sağ qalan qızından xəbər var

Aparat rəhbərinin sağ qalan qızından xəbər var

Date: 10 November 2016 13:12

Abşeron rayonunun Hökməli qəsəbəsində baş verən partlayışda yaralanan Leyla Qurbanlının vəziyyəti normaldır.

Milli.Az bildirir ki, bunu azvision.az-a Respublika Yanıq Mərkəzinin Baş həkimi Şöhrət Məmmədov deyib. 

Baş həkim bildirib ki, ailənin sağ qalan yeganə övladı olan Leyla Qurbanlının müalicəsi davam etdirilir: "Həyatı üçün heç bir təhlükə yoxdur".

Qeyd edək ki, oktyabrın 20-də səhər saat 5:00 radələrində Abşeron rayonunun Hökməli qəsəbəsində Müşviq Qurbanova məxsus evdə partlayış baş verib. İlkin ehtimala görə, partlayış qaz sızmasından olub. 

Hadisə nəticəsində M.Qurbanov, həyat yoldaşı Ş.Novruzova və qızı 2004-ci il təvəllüdlü L.Qurbanlı ağır dərəcəli yanıq xəsarətləri alıb. Ailənin digər üzvü - 3 yaşlı Banıçiçək Qurbanlı isə aldığı xəsarətlərdən dünyasının dəyişib. Xəsarət alan Müşviq Qurbanov və həyat yoldaşı Şəbruz Novruzova müalicələrini davam etdirmək üçün Türkiyəyə aparılıb. Bir neçə gün sonra hər ikisi müalicə aldığı xəstəxanada dünyasını dəyişib.

Dünyasını dəyişən M.Qurbanov "Azəravtoyol" ASC-nin Aparat rəhbəri, həyat yoldaşı Ş.Qurbanlı isə cərrah idi.

Milli.Az


Tags:  Aparat rəhbərinin sağ qalan qızından xəbər var

RƏYLƏR


Top news