Aktual mövzular: Dollar alış-satışı , Hava haqqında, Məzənnə, Neftin qiyməti

"Vəziyyət xarab idi, ona görə oğurluq etdik" - Prorektorun otağını soyanlar

"Vəziyyət xarab idi, ona görə oğurluq etdik" - Prorektorun otağını soyanlar

Date: 10 November 2016 13:59

Bakıda prorektorun xidməti otağından oğurluqda təqsirləndirilən Sübhan Ələkbərov, Pərviz Quliyev, Həzrət Məmmədov, Vüqar Vəliyev, Mirsənan Seyidov, Fərahim Baxışlı və Nemət Fərhadovun cinayət işi üzrə məhkəmə prosesi başlayıb.

 

Lent.az-ın məlumatına görə, Bakı Ağır Cinayətlər Məhkəməsində hakim Rasim Sadıqovun sədrliyi ilə keçirilən prosesdə məhkəmə istintaqı açıq elan edilib. Prokuror ittiham aktını elan edib. Mirhəsən Seyidov və Vüqar Vəliyev ittiham üzrə özlərini təqsirli biliblər. Digər təqsirləndirilənlər özlərini təqsirli bilməyib. Təqsirləndirilən şəxs qismində dindirilən Sübhan Ələkbərov bildirib ki, vəziyyət xarab idi, ona görə oğurluq etmək qərarına gəldiyini deyib: "Odlar Yurdu Universitetinin binasına getdim və oğurluq etdim. Noyabr ayından Odlar Yurdu Universitetinin kafesinə gedib-gəlmişəm. Vüqar da orda işləyirdi. Odlar Yurdu Universitetinin rektoru Əhməd Vəliyevin bura çağırın. Çünki mənim oğurluq etdiyimi kimin dediyini öyrənmək istəyirəm".

 

Təqsirləndirilən şəxs qeyd edib ki, oğurluğu Vüqar Vəliyevlə planlaşdırıb: "Vüqar Vəliyev pulun olduğunu bildirib. Oğurladığımız pulun 20 faizini Vüqar Vəliyevə verəcəyimizə razılaşdıq. Pərviz, Ramin və Həzrətlə birlikdə Odlar Yurdu Universitetinin hasarından aşaraq Minur müəllimin otağına girdik. Otaqda 3 dəmir seyf var idi. Həmin vaxt həyətdə səs gəldi. Buna görə də Ramili həyətə göndərdik. Seyfi götürdük Pulun 20 min manatını Vüqar Vəliyevə ayırdım, qalanını isə öz aramızda böldük. Seyfdə 120 min manatdan artıq pul olmayıb".

 

Təqsirləndirilən Həzrət Məmmədov isə bildirib ki, oğurlanan pullardan ona da çatıb. Digər təqsirləndirilən Fərahim Baxışlı ifadəsində qeyd edib ki, Sabirabadda olduğu zaman Sübhan Ələkbərov ona zəng edib: "Sübhan dedi ki, qız qaçırıram. Durdum gəldim. Sonradan bildim ki, oğurluq olub. Həmin puldan mənə 1000 manat pul çatıb" Proses noyabrın 18-də davam edəcək.

 

Qeyd edək ki, təqsirləndirilən şəxslər Nərimanov rayon ərazisində Odlar Yurdu Universitetinin birinci prorektoru Munir Vəliyevin xidməti otağından oğurluq ediblər. Onlar Munir Vəliyevin universitetdə xidməti otağında olan seyfi aparıblar. Oğrular ümumilikdə 429 min 172 manat dəyərində pulu ələ keçiriblər.


Tags:  Vəziyyət xarab idi ona oğurluq etdik Prorektorun otağını soyanlar


RƏYLƏR


Top news