Aktual mövzular: Dollar alış-satışı , Hava, Məzənnə, Neftin qiyməti

Bakıda keçiriləcək IV İslam Həmrəyliyi Oyunlarına 8 min könüllü cəlb olunacaq

Bakıda keçiriləcək IV İslam Həmrəyliyi Oyunlarına 8 min könüllü cəlb olunacaq

Dənizkənarı Milli Parkda konsert keçirildi - FOTO (23 Mart 2017 21:05)
Bakı-2017 İslam Həmrəyliyi Oyunlarına 50 gün qaldı (23 Mart 2017 16:44)
Bakı-2017 İslam Həmrəyliyi Oyunlarına 50 gün qaldı - FOTO (23 Mart 2017 16:05)

Tarix: 10 Noyabr 2016 15:02

Bakı. 10 noyabr. REPORT.AZ/ Gələn ilin may ayının 12-dən 22-nə kimi Bakıda keçiriləcək IV İslam Həmrəyliyi Oyunları nəzdində fəaliyyət göstərəcək Könüllülük Proqramına qeydiyyat başlayıb.
Gənclər və İdman Nazirliyinin mətbuat katibi Səmayə Məmmədova “Report”a bildirib ki, könüllü fəaliyyətinə qoşulmaq istəyənlər mütləq  Oyunların rəsmi internet səhifəsində (http://baku2017.com/volunteers) qeydiyyatdan keçməli, müsahibə və təlimlərdə iştirak etməlidirlər. 
Könüllü olaraq seçiləcək gənclər İslam Həmrəyliyi Oyunlarının keçirilməsində müxtəlif sahələrdə, o cümlədən qonaqların qarşılanması, akkreditasiya, media, idman, texnologiya, nəqliyyat, məkanın idarə olunması, işçi qüvvəsi, milli olimpiya komitələri, təhlükəsizlik və protokol kimi sahələrdə böyük təcrübə əldə edəcəklər.
S.Məmmədova deyib ki, "Bakı-2017" İslam Oyunları Əməliyyat Komitəsi fəal və həvəsli, məsuliyyətli, yardımsevər və xeyirxah, mehriban və gülərüz, ünsiyyət qurmağı bacaran, komandada işləmək bacarığı olan hər kəsi IV İslam Həmrəyliyi oyunlarının bir parçası olamağa dəvət edir: "Könüllü olmaq üçün müraciət etmək istəyən namizədlər http://baku2017.com/volunteers səhifəsində qeydiyyatdan keçə bilərlər. Qeydiyyat prosesini tamamlamış namizədlər müsahibə mərhələsindən uğurla keçdikdən sonra Əməliyyat Komitəsinin peşəkarları tərəfindən keçirilən bir sıra təlimlərə cəlb olunacaqlar və bununla da onlar könüllülük fəaliyyəti üçün tələb olunan yüksək göstəricilərə yiyələnəcəklər".
Dünya miqyasli idman tədbirinin təşkili və uğurla həyata keçirilməsi üçün 8 min fəal könüllünün cəlb olunması nəzərdə tutulub.

Teqlər:  Bakıda keçiriləcək IV İslam Həmrəyliyi Oyunlarına min könüllü cəlb olunacaq



RƏYLƏR


Top xəbərlər