Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycanda hərbi vəziyyət zamanı mitinq və küçə yürüşləri qadağan edilir

Azərbaycanda hərbi vəziyyət zamanı mitinq və küçə yürüşləri qadağan edilir

Date: 10 November 2016 17:37

Azərbaycanda hərbi vəziyyət zamanı mitinqlər, küçə yürüşləri, piketlər və s. qadağan edilir.

Nilli.Az bildirir ki, Milli Məclisdən APA-ya verilən məlumata görə, bununla bağlı yenidən hazırlanmış "Hərbi vəziyyət haqqında" qanunun 10-cu (Hərbi vəziyyət rejiminin təmin edilməsinə yönəlmiş tədbirlər) maddəsinə 1.14-cü bənd əlavə edilib.
 
Bəndə əsasən, hərbi vəziyyət rejiminin təmin edilməsinə yönəlmiş tədbirlər sırasına "yığıncaqlar, mitinqlər, küçə yürüşləri, nümayişlər və piketlərin, habelə digər kütləvi tədbirlərin keçirilməsinin qadağan edilməsi və ya məhdudlaşdırılması" da daxil edilir.
 
Qeyd edək ki, yeni qanun layihəsinə görə, Azərbaycan ərazisinin müəyyən hissəsi faktiki işğal edildikdə, xarici dövlət və ya dövlətlər Azərbaycana müharibə elan etdikdə, ölkəyə qarşı real silahlı hücum təhlükəsi yarandıqda və Azərbaycan ərazisi blokadaya alındıqda, habelə blokada üçün real təhlükə olduqda hərbi vəziyyət elan edilir.
 
Qanun layihəsi birinci oxunuşda Milli Məclisin plenar iclasına tövsiyə olunub. 

Milli.Az


Tags:  Azərbaycanda hərbi vəziyyət zamanı mitinq küçə yürüşləri qadağan edilir

RƏYLƏR


Top news