Dünya KİV-i iki gündür ki, Donald Trampın sürpriz
qələbəsini müzakirə edir. Milyarder artıq ilk planlarını açıqlayıb.
Trampın köməkçiləri yeni administrasiyada əsas vəzifələrə
namizədlərin siyahısını hazırlamağa başlayıb. Pentaqon Rusiyanın
Hələbdə bir neçə günə hərbi əməliyyatlara başlaya biləcəyini
açıqlayıb. Rusiyaya “iqtisadi iflas və dağılma” xəbərdarlığı
edilib.
Azərbaycan sərhədlərində YENİ DÖVLƏT YARANIR: ŞOK
SSENARİ
TSN televiziyasına müsahibəsində rusiyalı jurnalist
Saşa Sotnik söyləyib ki, “Rusiyanın iqtisadi iflasından sonra onun
dağılması qaçılmaz olacaq.
Saşa Sotnik qeyd edir ki, Rusiya prezidenti Vladimir Putin öz
ölkəsini Qərblə qarşıdurmaya cəlb edib. Jurnalist qarşıdurmanın
nəticəsinin iqtisadi iflas və Rusiyanın dağılması olacağını
bildirib.
Onun fikrincə, Rusiyanın iflası və dağılmasının qarşılığı
vətəndaşlar üçün çox ağır olacaq. Saşa Sotnik vurğulayıb ki,
federal hakimiyyət heç kəsə lazım olmayacaq: “Yerli knyazlar dərhal
şəxsi torpaqlarının sərhədlərini cızmağa, pulu bölməyə, öz şəxsi
ordularını yaratmağa başlayacaqlar. Rusiyadan bir neçə region
qopacaq. Moskva ilk növbədə Kalininqrad, Şimali Qafqaz, Dağıstan,
Şimali Osetiya, Qaraçay-Çərkəz, Çeçenistan və İnquşetiya ilə
vidalaşmalı olacaq. Bu artıq praktik olaraq şəffaf perspektivdir.
İqtisadi iflas olacağı halda mütləq baş verəcək”.
Jurnalistin sözlərinə görə, Rusiyanın dağılması müddəti pulun
hakimiyyətə hansı müddətə çatacağından asılıdır. Rusiya
jurnalistinin fikrincə, bu müddət 2 ildən 10 ilə qədər müddətdə
özünü göstərəcək.
Qeyd edək ki, Rusiya Ehtiyat Fondu 2016-cı il iyunun 1-dən
noyabrın 1-inə qədər təxminən 560 milyard rublda (təxminən 8,7
milyard dollar) azalıb. Noyabrın 1-inə olan məlumata görə, Rusiya
Ehtiyat Fondunun həcmi 1991,61 milyard rubl (31,66 milyard dollar)
təşkil edir.
Donald Trampın qələbəsi
ABŞ-da keçirilən prezident seçkilərində respublikaçı
Donald Trampın qələbəsi KİV-in əsas mövzusudur. Bütün dünya onun
ilk addımlarını maraqla gözləyir.
Trampın köməkçiləri onun prezidentliyinin ilk aylarında həyata
keçiriləcək planlara həsr edilmiş “greatagain.gov” saytını (Trampın
seçki kampaniyasının şüarı olan “Make America Great Again” –
(“Amerikanı yenidən böyük edək”) ifadəsindən götürülüb)
hazırlayıb.
Altı il əvvəl maliyyə islahatları çərçivəsində qəbul edilən
Dodda-Frenk qanununun icrasının dayandırılması, Meksika ilə
sərhəddə divarın tikilməsi, immiqrasiyaya nəzarət üzrə tədbirlərin
həyata keçirilməsi, Barak Obama administrasiyası tərəfindən həyata
keçirilən səhiyyə islahatının ləğvi, ABŞ-da iş yerlərinin müdafiəsi
məqsədi ilə xarici ticarət sahəsində razılaşmalara yenidən
baxılması yeni prezidentin komandası tərəfindən baxılacaq ilk
məsələlərdir. Bundan başqa, yeni administrasiyanın planları
arasında, enerji resurslarının hasilatına məhdudiyyətlərin aradan
qaldırılması, “Keystone XL” (Kanadadan ABŞ-a çəkilməsi nəzərdə
tutulan neft kəməri. Barak Obama ölkənin maraqlarına zidd olduğunu
bildirərək kəməri tikilməsindən imtina edib –red.) və iqlim
dəyişikliyi üzrə BMT proqramlarına ödəmələrin ləğvi var.
Həmçinin saytda federal idarələrdəki postlara namizədlərin
seçilməsinin qaydaları haqqında danışılır.
Tramp bu şəxslərə vəzifə verəcək – SİYAHI
ABŞ-da keçirilən prezident seçkilərində qələbə qazanan
Donald Trampın köməkçiləri yeni administrasiyada əsas vəzifələrə
namizədlərin siyahısını hazırlamağa başlayıb.
Siyahını “The Wall Street Journal” qəzeti açıqlayıb.
Tramp bu şəxslərə vəzifə verəcək – SİYAHI
ABŞ-da keçirilən prezident seçkilərində qələbə qazanan Donald Trampın köməkçiləri yeni administrasiyada əsas vəzifələrə namizədlərin siyahısını hazırlamağa başlayıb.
Rəqibi demokrat Hillari Klinton məğlubiyyətini qəbul
edərək Trampı təbrik etsə də, məğlubiyyəti həzm edə bilməyən
Klintonun tərəfdarları etiraz aksiyaları keçirir.
ABŞ-ın Vaşinqton ştatının Sietl şəhərində isə naməlum şəxslər
insanlara atəşaçıblar. Baş vermiş atışma zamanı 5 nəfər yaralanıb.
Nyu-York şəhərində aksiyada iştirak edənlərdən 30-u saxlanılıb.
Donald Tramp “müsəlman manevri” edib.
Trampın müsəlmanların ABŞ-a girişinə mane olacağına dair bəyanatı
seçki gününün axşamı şəxsi saytından silinib.
Tramp həmin bəyanatı 2015-ci ilin noyabrında Parisdə təşkil
edilən terror aktından sonra vermişdi. O, bildirmişdi ki, həqiqət
tam olaraq ortaya çıxana kimi bütün müsəlmanların ölkəyə girişinə
mane törədilməlidir.
Bundan sonra da Tramp və onun dəstəkçiləri müsəlmanların ölkəyə
girişinə qadağa qoyulması fikrini davamlı olaraq müdafiə ediblər.
Onların fikrincə, bu addım Amerikanın təhlükəsizliyi üçündür və
dini ayrı-seçkiliklə heç bir əlaqəsi yoxdur. Trampın “müsəlmanların
ölkəyə girişinin qadağan edilməsi”ni dəstəkləyən çıxışı seçki günü
axşam saatlarına qədər saytda idi.
ABŞ-da prezident seçkilərində Donald Trampın
qələbəsindən sonra müsəlmanlar, azlıqlar və qeyri-ənənəvi seksual
oriyentasiyanın nümayəndələrinə qarşı hücumlar
artıb.
“Twitter” istifadəçiləri milyarderin tərəfdarlarını hücumlarda
ittiham ediblər. Onlardan biri “Tramp. Birinci gün” ifadəsi ilə
hücuma məruz qalanlardan birinin şəklini paylaşıb.
Tramp seçildi, ordu hərəkətə keçdi – müharibə
başlayır?
ABŞ-da Donald Tramp prezident seçilən kimi Kuba
ordusu yüksək səviyyədə hazırlıq vəziyyətinə
gətirilib.
Barak Obama bu il Kubaya səfər edərək, Vaşinqton-Havana
əlaqələrinin normallaşması üçün addım atmışdı. Lakin seçkinin
nəticələri açıqlanan kimi rəsmi Havana ordusu “xarici təhlükələrə
qarşı hazırlıq” təlimlərinə start verib.
Tramp seçildi, ordu hərəkətə keçdi – müharibə başlayır?
ABŞ-da Donald Tramp prezident seçilən kimi Kuba ordusu yüksək səviyyədə hazırlıq vəziyyətinə gətirilib.
Rusiyanın Liberal-Demokratik Partiyasının lideri
Vladimir Jirinovski isə Dövlət Dumasında Donald Trampın ABŞ
prezidenti seçilməsi münasibəti ilə banket təşkil
edib. Jirinovski banket üçün 100 min rubl (təxminən
1530 dollar –red.) xərclədiyini bildirib. Masaya kolbasa, toyuq,
konfet və şampan qoyulmuşdu.
Banketin görüntüləri internetdə yayılıb.
Jirinovski Trampın qələbəsi üçün şampan qonaqlığı verdi – VİDEO
Rusiyanın Liberal-Demokratik Partiyasının lideri Vladimir Jirinovski Dövlət Dumasında Donald Trampın ABŞ prezidenti seçilməsi münasibəti ilə banket təşkil edib.
Trampın qələbə qazanması Rusiyanın siyasi elitası
tərəfindən sevinclə qarşılansa da, ekspertlər ehtiyatlı olmağı
məsləhət görürlər.
Rusiya Dumasının eks-deputatı İlya Ponomaryov söyləyib ki,
ABŞ-ın yeni prezidenti Donald Trampa özünü sübut etmək üçün xarici
siyasətdə parlaq hərbi qələbə lazımdır. Onun sözlərinə görə, bu,
Rusiya üçün böyük problemə çevrilə bilər:
“Trampın şüarı “Amerikanı yenidən böyük edək”dir. Bu cür
insanlar böyüklüyü başqalarının üzərində hökmranlıqda görürlər.
Buna görə də o, mütləq gücünü göstərəcək. Onun kimisə məğlub etməsi
lazımdır. Belə qələbə dünyanın istənilən yerində ola bilər. Daha
real variant kimi Suriyanı götürmək olar. Bunun üçün o, Suriyada
rus təyyarələrini vurmalı olacaq. Əgər belə etməsə, qalib
olmayacaq”.
ABŞ Dövlət Departamentinin sözçüsü Mark Toner isə
Kremlə mesaj göndərib ki, sevinməyə dəyməz.Mark Toner
bildirib ki, Krım Ukraynaya geri qaytarılmasa, ABŞ Rusiya
Federasiyasına tətbiq etdiyi heç bir sanksiyanı aradan
qaldırmayacaq.
“Administrasiyanın mövqeyi dəyişməz olaraq qalır. Rusiya
Krımdakı hərbi qüvvələrini geri çəkməyənə, Krımı Ukraynanın
tərkibinə qaytarmayana qədər ABŞ sanksiya siyasətini dəyişməyəcək”,
- deyə o, bildirib.
Rusiya Xarici İşlər Nazirliyinin sözçüsü Mariya Zaxarova deyib
ki, Moskva seçki kampaniyası boyunca hər zaman ABŞ-la normal
münasibətlərin qurulmasına hazır olması istiqamətində konkret
mövqeyini ortaya qoyub.
Onun sözlərinə görə, insanlar bəzi amerikalı siyasətçilərin
ambisiyalarının girovuna çevrilib. "İnsanlar yorulub, köhnə
aqressiya və yalan dərisini üzərlərindən atmaq istəyirlər" -
M.Zaxarova vurğulayıb.
Trampa Krım mesajı?
Sevastopolda Krımın hərbi obyektlərinə hücumlar
hazırlayan Ukrayna Müdafiə Nazirliyinin diversiya-terror qrupu
saxlanılıb.
Rusiya Federal Təhlükəsizlik Xidmətinin məlumatına görə, qrup
üzvlərindən böyük miqdarda partlayıcı qurğular, silah və döyüş
sursatları, xüsusi rabitə vasitələri, həmçinin hücum edilməsi
planlaşdırılan obyektlərinin xəritələri götürülüb. Operativ-axtarış
tədbirləri və istintaq hərəkətləri davam edir.
Ukrayna daxili işlər nazirinin məsləhətçisi Zoryan
Şkiryak isə deyib ki, Krımda Ukrayna diversantlarının tutulması
haqqında informasiya Donald Trampın ABŞ prezidenti seçilməsi ilə
bağlı ola bilər. Onun sözlərinə görə, informasiya
Trampda Ukrayna haqqında pis təəssürat yaratmaq üçün dövriyyəyə
buraxılıb.
Pentaqondan SOS: Müharibə bir neçə günə
başlayır
İraqın Mosul şəhəri ətrafında oktyabrın 17-də
başlanan əməliyyatda susqunluq olsa da, Suriyanın Hələb bölgəsində
yaxın günlərdə vəziyyət dəyişə bilər.
ABŞ Müdafiə Nazirliyindən (Pentaqon) Hərbi Dəniz İnstitutunun
portalına bildiriblər ki, Rusiyanın “Admiral Kuznetsov”
təyyarədaşıyan gəminin təyyarələri Suriya səmasında qeydə
alınıb.
Pentaqon nümayəndəsinin sözlərinə görə, yaxın günlərdə Hələb
ətrafında döyüş əməliyyatlarının aktivləşməsi gözlənilir və
əməliyyatlara “Admiral Kuznetsov” aviaqrupu da qoşula bilər.
Noyabrın 8-də Rusiya Müdafiə Nazirliyindəki mənbə “İnterfaks”a
bildirib ki, “Admiral Kuznetsov” kreyserinin göyərtə aviasiyası və
yüksək dəqiqliyə malik silahlarla təchiz edilmiş hərbi gəmiləri
Hələbdə döyüşçülərə zərbələr endirməyə hazırlaşırlar. Oktyabrın
26-da NATO-dan bildiriblər ki, Suriya istiqamətinə yollanan
“Admiral Kuznetsov” Hələbə zərbələrin vurulması üçün istifadə edilə
bilər.
Pentaqondan SOS: Müharibə bir neçə günə başlayır
Rusiyanın “Admiral Kuznetsov” təyyarədaşıyan gəminin təyyarələri Suriya səmasında qeydə alınıb.
Ömər Dağlı
Xəbərin orijinal ünvanı: http://publika.az/news/nida/175462.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)