Aktual mövzular: Dollar alış-satışı , Hava haqqında, Məzənnə, Neftin qiyməti

Hələbdə aclıq təhlükəsi

Hələbdə aclıq təhlükəsi

Date: 11 November 2016 04:13

Bu qış Suriyanın mühasirədə olan Hələb şəhərində ciddi aclıq yaşanacaq. Publika.az xəbər verir ki, bu barədə BMT xəbərdarlıq yayıb.

Təşkilat bildirib ki, yardım agentliklərinə mane olunması 250 min insanı acınacaqlı vəziyyətə salacaq. BMT qış mövsümünün Suriyanın bəzi bölgələrində qatil rolunu oynayacağını deyib.

Təşkilat döyüşlər və administrativ maneələrin insanları ərzaq və digər ləvazımatla təmin edilməsinə imkan vermədiyini bildirib.

BMT müşaviri Jan Eqelandin dediyinə görə, bu qədər insanın soyuq qış aylarında nə edəcəyi ən böyük narahatlıqdır.

“Son dəfə Hələbə yardım iyul ayında çatdırılıb" -deyə o bildirib.

Eqeland deyib ki, BMT qış aylarında humanitar fəlakətin qarşısını almaq üçün təkliflər irəli sürüb. Təklifdə Rusiya, Suriya və müxalifət qrupları Hələbə yardım çatdırılmasına imkan yaradılmasına çağırılır.

Bundan əlavə şəhər əhalisinin 300 yaralı və xəstəsinin evakusiyasına çağırılıb.


Tags:  Hələbdə aclıq təhlükəsi

RƏYLƏR


Top news