Bu gün DÇ-2018-in seçmə mərhələsində IV tura start veriləcək. Fanat.Az xəbər verir ki, milli komandamız növbəti matçını səfərdə keçirəcək.
Yığmamız tanış rəqiblə - Şimali İrlandiya ilə üz-üzə gələcək. Komandamız 4 il öncə DÇ-2014-ün seçmə oyununda “Vindzor Park”da uduzmamışdı, əksinə, qələbəni son anda əldən vermişdi (1:1). Üstəlik, təxminən 1 il sonra britaniyalıları Bakıdan məğlub yola sala bilmişdik (2:0).
3 il öncəki Şimali İrlandiya yığması ilə indiki komanda arasında fərq odluğu aydın məsələdir. Hər hal, britaniyalıların AÇ-2016-nın final mərhələsinə vəsiqə qazanması rəqibin potensialından xəbər verir.
3 il öncəki Azərbaycan millisi ilə indiki arasında da fərq var. Komandamız tarixində ilk dəfə seçmə mərhələnin ilk 3 oyunundan 7 xal toplayıb, 2-ci pillədədir. Bu gün qarşılaşacağımız britaniyalılar isə ən yaxın izləyicimizdir. Meydan sahiblərinin hesabında 4 xal var.
DÇ-2018-in seçmə mərhələsi
IV tur
C qrupu
23:45. Şimali İrlandiya – Azərbaycan
Baş hakim: Klément Turpin
Baş hakimin köməkçiləri: Nikolas Danos, Siril Qrinqor
Dördüncü hakim: Frank Şneyder (hamısı Fransa)
Belfast. “Vindzor Park” stadionu
1. Almaniya 3 3 0 0 8-0 9
2. Azərbaycan 3 2 1 0 2-0 7
3. Şimali İrlandiya 3 1 1 1 4-2 4
4. Norveç 3 1 0 2 4-5 3
5. Çexiya 3 0 2 1 0-3 2
6. San Marino 3 0 0 3 1-9 0
