Dünya şöhrətli sənətkar, Xalq artisti Alim Qasimov və qızı, Əməkdar artist Fərqanə Qasimova Polşada məşhur “VOVO” qrupu ilə birgə konsert verəcək.
Onlar Polşada keçiriləcək “Koncert WAGLEWSKI+" da çıxış edəcək.
Ailəsindən Publika.az-a bildirilib ki, onlar noyabrın 14-də Polşaya yola düşəcəklər. Noyabrın 16-da “koncert WAGLEWSKI+" da Alim Qasımov və Fərqanə Qasımovanın “VOVO” qrupu ilə birgə konsert proqramı olacaq: “Alim Qasımov qızı Fərqanə xanımla məşhur “VOVO” qrupunun iki mahnısını duet şəklində ifa ediblər. Hər iki mahnı qrupun son diskində yer alıb. Bu səbəbdən “VOVO” qrupunun solistləri “Koncert WAGLEWSKI+" çərçivəsində Alim Qasımovla bu mahnıları canlı ifa etmək istəyiblər. Alim Qasımovu müşayiət edən trio bu dəfə konsertdə olmayacaq. Onları polşalı qrup müşayiət edəcək”.
Sənətkarlar noyabrın 17-də Azərbaycana dönəcək.
Xatırladaq ki, A.Qasımovun qızı ilə növbəti xarici səfəri noyabrın sonlarında baş tutacaq. Onlar “Camerata İzmir” qrupu ilə - “ Festival İzmir Konsert” də çıxış edəcəklər.
Cəvahir
