Bakı. 11 noyabr. REPORT.AZ/ Gəncə şəhərində Rusiya Federasiyasının vətəndaşından 2 ədəd tüfəng, 78 ədəd patron və 6 ədəd boş giliz aşkarlanıb.
"Report"un məlumatına görə, Nizami (Gəncə) rayon Polis İdarəsinin (RPİ) əməkdaşlarının keçirdiyi əməliyyat-axtarış tədbirləri nəticəsində Rusiya Federasiyasının vətəndaşı Elbrus Həsənovu saxlayıb.
Onun Gəncə şəhərində yerləşən evinə baxış keçirilən zaman oradan müvafiq sənədləri olmayan "İJ-16" və "TOZ-8" markalı tüfənglər 78 ədəd patron və 6 ədəd boş giliz aşkar edilərək götürülüb.
Faktla bağlı Nizami RPİ-də araşdırmalara başlanılıb.
