Aktual mövzular: Dollar alış-satışı , Hava haqqında, Məzənnə, Neftin qiyməti

İstirahət mərkəzində öldürülən Könüllə bağlı YENİ MƏHKƏMƏ

İstirahət mərkəzində öldürülən Könüllə bağlı YENİ MƏHKƏMƏ

Date: 11 November 2016 12:29

Qubada “Retro” istirahət mərkəzinə apardığı qadını qətlə yetirməkdə təqsirləndirilən Elməddin Əhmədovun cinayət işi üzrə məhkəməsi davam edib.

 

Lent.az-ın məlumatına görə, Bakı Ağır Cinayətlər Məhkəməsində hakim Əlövsət Abbasovun sədrliyi ilə keçirilən prosesdə məhkəmə istintaqı başlayıb. Söz dövlət ittihamçısına verilib. Prokuror ittiham aktını elan edib. E.Əhmədov elan olunmuş ittiham üzrə özünü qismən təqsirli bildiyini deyib. Daha sonra zərərçəkmişin hüquqi varisinin məhkəməyə gəlmədiyi bildirilib. Həmin şəxs məhkəməyə məktub göndərərək təqsirləndirilənin dindirilməsinin özünün də iştirakı ilə keçirilməsini istədiyini qeyd edib. Buna görə də E.Əhmədovun dindirilməsi saxlanılıb. Məhkəmənin baxışı noyabrın 17-də davam edəcək.

 

Qeyd edək ki, Bakı şəhər sakini, 1978-ci il təvəllüdlü Könül Zülfü qızı Zalova tanışı, 1982-ci il təvəllüdlü Elməddin Əziz oğlu Əhmədovla birgə istirahət etmək üçün yanvarın 13-də Quba rayonu Qəçrəş yaşayış massivində fəaliyyət göstərən “Retro” ailəvi istirahət mərkəzinə gediblər. Onlar gecəni bir yerdə keçiriblər. Yanvarın 14-də E. Əhmədovla K. Zalova arasında mübahisə düşüb. Aralarında yaranmış mübahisə zəminində E. Əhmədov K. Zalovanı boğaraq öldürüb. Daha sonra isə K. Zalovanın “İnfiniti FX 35” markalı, 10 OD 999 dövlət nömrə nişanlı avtomobilini və mobil telefonunu götürərək hadisə yerindən qaçıb. Həyata keçirilən tədbirlər nəticəsində E. Əhmədov tutularaq istintaqa təhvil verilib. Faktla bağlı Quba rayon Prokurorluğu tərəfindən Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.


Tags:  İstirahət mərkəzində öldürülən Könüllə bağlı YENİ MƏHKƏMƏ


RƏYLƏR


Top news