Aktual mövzular: Dollar alış-satışı , Hava haqqında, Məzənnə, Neftin qiyməti

"Putin və Tramp bənzəyirlər"

"Putin və Tramp bənzəyirlər"

Date: 11 November 2016 13:27

Rusiya prezidenti Vladimir Putinin mətbuat katibi Dmitri Peskov Putin və ABŞ-ın yeni seçilən prezidenti Donald Trampın siyasi mövqelərinin bir-birinə bənzədiyini deyib.

Milli.Az azvision.az-a istinadən xəbər verir ki, Peskov Putinin "Valday Forumunda"kı çıxışı ilə Trumpın son açıqlamalarını müqayisə edib.

"Tramp ABŞ-ın maraqlarının prioritet olduğunu və bunun üçün hər ölkə ilə əməkdaşlıq etməyə hazır olduğunu deyib. Putin də Rusiyanın milli maraqlarını vurğulayaraq eyni fikirləri səsləndirb. İkisinin də xarici siyasətdəki davranışı bir-birinə oxşayır".

Peskov ABŞ-la əlaqələrin dərhal ən yüksək səviyyəyə çıxarılmasının mümkünsüz olduğunu hesab edir.

"Qarşılıqlı etimada əsaslanan münasibətlər uzun illər boyu formalaşır. Xüsusilə də son illər əlaqələrin yaşadığı zədələrdən sonra bu bir qədər vaxt alacaq".

D. Peskov, həmçinin Putinlə Tramp arasında görüşün olub-olmayacağı haqda sualı cavablandırıb: "Əvvəlcə Tramp yeni vəzifəsinə keçməlidir. Putin çevik siyasət yürüdür, amma bunun da bir həddi var. Dövlət başçısı ABŞ-la yaxşı münasibətin tərəfdarıdır. Bunun qarşılıqlı olub-olmayacağını görəcəyik".

Milli.Az


Tags:  Putin Tramp bənzəyirlər


RƏYLƏR


Top news