Aktual mövzular: Dollar alış-satışı , Hava haqqında, Məzənnə, Neftin qiyməti

Rusiyanın bayan ifaçıları Tofiq Quliyevin əsərini ifa edəcəklər

Rusiyanın bayan ifaçıları Tofiq Quliyevin əsərini ifa edəcəklər

Date: 11 November 2016 14:17

Bakı. 11 noyabr. REPORT.AZ/ Bakıda Beynəlxalq Muğam Mərkəzində Rusiyanın “Sib-Duo” qrupunun konserti keçirilib.
"Report"xəbər verir ki, “Sib-Duo” qrupunun üzvləri, bayan ifaçıları Aleksandr Sirotkin və Andrey Bityutskix Bakıda ilk dəfə konsert proqramı ilə çıxış ediblər.
"Japan Tobacco International" (JTI) şirkətinin Azərbaycandakı nümayəndəliyinin dəstəyi ilə baş tutan konsert zamanı qrup rus, klassik dünya musiqisi, habelə caz janrından olan təxminən 10 musiqi nömrəsi ifa olunub. Səsləndirilən musiqilər sırasında bəstəkarlar А.Bızovun "Ləzginka", S.Prokofyevin "Mövhumat", P.Sarasatenin "Navarra", D. Skarlattinin "Pastoral" və s. əsərlər olub. A.Sirotkin və A.Bityutskix musiqilərini bayanla yanaşı, səsli zərb aləti ilə də səsləndiriblər.
Çıxışları zamanı tamaşaçılarla Bakı haqqında, eləcə də Azərbaycan musiqisi barədə fikirləri ilə bölüşən qrupun üzvü A.Sirotkin bildirib ki, bu yaxınlarda onlara azərbaycanlı bəstəkar Tofiq Quliyevin əsərini təqdim ediblər: "Həmin əsər bizi sadəcə valeh etdi, çox gözəl əsərdir. Biz onu əvvəlcə bayanla, daha sonra isə orkestr ilə birgə ifa edəcəyik".
Bu gün qrup Rusiyanın İnformasiya-Mədəniyyət Mərkəzində dinləyicilərlə görüşəcəklər.
Qeyd edək ki, "Sib Duo" qrupu “Dünya Kuboku” və “Dünya Trofeyinin” qalibidir. "Sib Duo" Rusiya, Almaniya, Çexiya, Çin, İtaliya, FransaAvstriyada keçirilən böyük musiqi forum və festivallarında da iştirak edib. 




Tags:  Rusiyanın bayan ifaçıları Tofiq Quliyevin əsərini ifa edəcəklər

RƏYLƏR


Top news