Aktual mövzular: Dollar alış-satışı , Hava haqqında, Məzənnə, Neftin qiyməti

QİÇS-in qanda olub-olmadığını artıq fləş kartla yoxlamaq olacaq

QİÇS-in qanda olub-olmadığını artıq fləş kartla yoxlamaq olacaq

Date: 11 November 2016 16:05

Alimlər qanda QİÇS virusunu dəqiq təyin edə biləcək fləş kart yaradıblar.

Milli.Az technote.az-a istinadən bildirir ki, bu fləş kartdan hətta ev şəraitində belə istifadə edərək qanda QİÇS virusunun olub-olmadığını öyrənmək olacaq. Cihaz Londonun İmperiya kollecinin alimləri və "DNA Electronics" şirkəti tərəfindən yaradılıb. QİÇS ilə bağlı nəticələri öyrənmək üçün yalnız kiçik qan damcısı lazımdır. Qan damcısını fləş karta yerləşdirəndən sonra fləş kart-ın qoşulu olduğu kompüter və ya hansısa digər cihaza elektrik siqnal ötürülür.

Nəticələr onu göstərib ki, fləş kart analiz cavabını 30 dəqiqədən sonra və çox dəqiqliklə təqdim edir. Qanda QİÇS ilə bağlı müasir analizlər 3 gün ərzində və yalnız laboratoriya şəraitində keçirilir. Son təcrübədə cihaz 991 növ qanı incələyərək 95% dəqiqliklə nəticələr təqdim etmişdir.

Cihazın hər bir qan növünə ayırdığı analiz vaxtı isə 21 dəqiqə olmuşdur. Qan damcısı USB ötürücüsünə daxil olan zaman cihaz, QİÇS-i qanda turşu səviyyəsinin dəyişkənliyi üzərindən təyin edir. Fləş kartda olan mobil telefon çipi bu məlumatı elektrosiqnala çevirir və kompüterə ötürür. İndi isə alimlər bu cihazı digər virus növlərinin aşkar edilməsi üçün təkmilləşdirirlər.

Milli.Az


Tags:  QİÇS-in qanda olub-olmadığını fləş kartla yoxlamaq olacaq

RƏYLƏR


Top news