Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Dələduzluq yolu ilə 3,4 milyon dolları ələ keçirən şəxslərin məhkəməsinə şahidlər məcburi gətiriləcək

Dələduzluq yolu ilə 3,4 milyon dolları ələ keçirən şəxslərin məhkəməsinə şahidlər məcburi gətiriləcək

Date: 11 November 2016 16:07

Bakı. noyabr 11. REPORT.AZ/ Bu gün Bakı Ağır Cinayətlər Məhkəməsində Bakı sakininin 3,4 milyon ABŞ dolları məbləğində vəsaitini dələduzluq yolu ilə ələ keçirməkdə təqsirləndirilən Loğman Abdullayevin, Emin Qasımovun, Ruslan Hacıyevin, Pərviz Rzayevin, Fərhad Tağıyevin, Tural Qasımovun və Gəray Abdullayevin cinayət işi üzrə məhkəmə prosesi davam etdirilib.
"Report"un məlumatına görə, hakim Tamella Nəsrullayevanın sədrliyi ilə keçirilən prosesdə şahid qismində Etibar Həmzəyev və Almaz Nəbiyev ifadə verib.
Hər iki şəxs istintaqa verdikləri ifadələrini təsdiqləyiblər. A.Nəbiyev təqsirləndirilən şəxslərdən yalnız L.Abdullayevi tanıdığını söyləyib.
Hakim digər şahidlərin məhkəməyə gəlmədiyini elan edib. Məhkəmə həmin şəxslərin barəsində məcburi gətirilmə ilə bağlı qərar çıxarıb.
Məhkəmənin növbəti iclası 18-də təyin olunub.
Qeyd edək ki, ittiham aktına əsasən, hadisə 2015-ci ildə baş verib. Bakı şəhər sakini Tofiq Nadir oğlu Zülfüqarov Daxili İşlər Nazirliyinə (DİN) müraciət edərək, bir qrup şəxsin ona məxsus 3 milyon 400 min ABŞ dolları məbləğində vəsaiti dələduzluq yolu ilə ələ keçirdiklərini bildirib. Baş İdarənin əməkdaşları tərəfindən həyata keçirilən tədbirləri nəticəsində L.Abdullayev, E.Qasımov, R.Hacıyev, P.Rzayev, F.Tağıyev, G.Abdullayev və T.Qasımov saxlanılıb.
Nərimanov Rayon Məhkəməsində F.Tağıyev, R.Hacıyev və T.Qasımov barəsində həbs qətimkan tədbirinin ev dustaqlığı ilə əvəz olunması ilə bağlı verilmiş təqdimata baxılıb. Məhkəmənin qərarı ilə həmin şəxslər barəsində seçilmiş həbs qətimkan tədbiri ev dustaqlığı ilə əvəzlənib.
Həmin şəxslər Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) və 310-cu (vəzifəli şəxsin səlahiyyətlərini mənimsəmə) maddələri ilə ittiham olunublar.


Tags:  Dələduzluq yolu milyon dolları ələ keçirən şəxslərin məhkəməsinə şahidlər məcburi gətiriləcək

RƏYLƏR


Top news