“Bu yay Türkiyə qarışacaq, ora getməyin”.
Publika.az xəbər verir ki, FETÖ lideri Fətullah Gülən 15
iyul dövlət çevrilişinə cəhddən öncə tərəfdarlarına belə təlimat
verib.
FETÖ-nünü Almaniyadakı üzvlərindən biri anonim ad altında mediaya
danışıb ki, 15 iyuldan öncə Gülən onlara təlimat göndərib.
“Aprel, may və iyun aylarında aparılan bütün söhbətlərdə, keçirilən
bütün toplantılarda xəbərdarlıqlar edilirdi. Xüsusilə camaatın
yüksək səviyyəli üzvləri “Xoca əfəndi" Türkiyə bu yay qarışacaq,
ora getməyin” deyir. Heç kim bu yay Türkiyəyə getməsin” dedilər. Bu
təlimatdan sonra heç kim Türkiyəyə getmədi”, - deyə o bildirib.
Onun sözlərinə görə, Gülən camaatında təmsil olunanlar da 15
iyuldan sonra baş verənlərdən narahatdır: “Mən 17-25 dekabr
hadisələrindən sonra camaatdan soyumağa başladım. Lakin məcburi
şəkildə Almaniyadakı işimi davam etdirirdim. 15 iyul isə göstərdi
ki, doğru yolda deyilik. Camaat içində baş verənlərdən narahat
olanlar artır. Onlar “bizi məhv etdilər” deyirlər”.
Asif