Bakı Dövlət Universitetinin Elm və innovasiyalar üzrə prorektoru, professor Aydın Kazımzadə universitet saytının (bsu.edu.az) fakültələr, institutlar və strukturlar üzrə məsul şəxsləri ilə görüşüb.
Mətbuat və informasiya şöbəsindən Publika.az-a verilən məlumatda bildirilib ki, prorektor Aydın Kazımzadə son illər universitetin elm və təhsil istiqamətində əldə etdiyi uğurlardan, müxtəlif agentliklərin ali təhsil ocaqlarının reytinqini müəyyən etmək məqsədilə ənənəvi olaraq apardıqları araşdırmalarda Bakı Dövlət Universiteti xəbərlərinin üstünlük təşkil etməsindən danışıb. Bu işdə universitet saytının roluna toxunan prorektor onun informasiya təminatının daha da yaxşılaşdırılması və fasiləsiz fəaliyyətinin təmin edilməsi istiqamətində tövsiyələrini verib.
Universitetin Mətbuat və informasiya şöbəsinin müdiri Pərvanə
İbrahimova saytın ümumi fəaliyyətindən danışıb. Bundan əlavə, 17
fakültə, struktur və institutların sayt daxilindəki müvafiq
bölmələrinin vəziyyətini təhlil edib, çatışmazlıqların aradan
qaldırılması istiqamətində təkliflər irəli sürüb.
Sonra saytın texniki məsələlər üzrə məsul şəxsləri Elvin Şükürov və
Xəyalə Vəliyeva çıxış edərək məsul şəxsləri maraqlandıran sualları
cavablandırıblar.