Cənubi Amerikada DÇ-2018-in seçmə mərhələsində 11-ci turun oyunları keçirilib.
Publika.az xəbər verir ki, turun mərkəzi qarşılaşması Braziliya ilə Argentina arasında olub. Neymarın liderlik etdiyi Braziliya Messili Argentinanı rüsvay edib - 3:0.
Messi qarşılaşmada heç nə ilə yadda qalmayıb. Neymar isə qələbədə böyük pay sahibi olub. O, bir qol vurub, bir qol ötürməsi edib.
Turun digər qarşılaşmaları belə nəticələnib:
Kolumbiya - Çili 0:0
Uruqvay - Ekvador 2:1
Paraqvay - Peru 1:4
Venesuela - Boliviya 5:0
Turnir cədvəlinə 24 xal toplayan Braziliya başçılıq edir. Argentina 16 xalla 6-cı pillədə qərarlaşıb.