Göygöldə iki avtomobil toqquşub.
Milli.Az APA-ya istinadən xəbər verir ki, hadisə rayonun Balçılı kəndində qeydə alınıb.
İlkin məlumata görə, iki "VAZ" markalı avtomobilin toqquşması nəticəsində avtomobillərdən birinin sürücüsü 1994-cü il təvəllüdlü Elnur Nəbiyev müxtəlif bədən xəsarətləri alaraq Gəncə şəhər Təcili Tibbi Yardım xəstəxanasına yerləşdirilib.
Onun vəziyyətinin orta ağır olduğu bildirilir.
Faktla bağlı Göygöl rayon Polis şöbəsində araşdırma aparılır.
Milli.Az
