"Bizimkilər Türkiyədə verilişə çıxmaq üçün yalvarırlar" - Günel

"Bizimkilər Türkiyədə verilişə çıxmaq üçün yalvarırlar" -  Günel
12:56 12 Noyabr 2016
736 Şou
Ölkə mətbuatı
A- A+

Türkiyədə yaşayan azərbaycanlı müğənni Günel Zeynalova solo verilişində nişanlısı Cem Ozan Torunlardan bəhs edib.

Axşam.az-ın məlumatına görə, ifaçı aparıcı Murad Arifin “Nişanlınızın mahnı oxuduğu an çəkilən videosunu izlədim. Peşəsi müğənnilikdir? Peşəkar oxuyur” sözlərinə belə cavab verib:

“Müğənniliyə heç bir əlaqəsi yoxdur. Bu istedad ata tərəfindən gəlib. Amma yaxın günlərdə belə bir məqam olacaq. Özəl bir gündə mahnı səsləndirəcək”.

G.Zeynalova qardaşı Tunar Rəhmanoğlunun mahnılarından bəhs edib:

“Tunar mahnı yazanda ilk mənə qulaq asdırır. Bəyənməyəndə, başqalarına verir. Qardaşımın uğuru, mənim də qürurumdur”.

Müğənni azərbaycanlı həmkarlarının Türkiyə şou-biznesinə qatılma cəhdlərini "uğursuz" adlandırıb:

“Mən 12 yaşımdan ordayam. Bura ilə oranın şou-biznesi başqadır. Hər şeydən əvvəl məni İmperator çıxardı. İbrahim Tatlısəsin köməkliyi ilə sözümü dedim. Bizimkilərin mahnıları orada dinlənilir, amma başqa heç nə edilə bilmirlər. Mənə yalvarırlar ki, verilişlərə çıxın. Bizimikilər isə orada verilişə çıxmaq üçün yalvarırlar. Çıxanda isə sadəcə onun bir mahnısına vaxt ayırırlar. Bu da öz sənətini göstərmək deyil. Bu sözləri hamısına yox, bəzilərinə aid edirəm. Mən verilişə çıxarkən şərt kəsirəm. Məsələn, Gülbən Ergenin verilişinə getdim. Biz reytinqdə birinci olduq. Səhəri bütün yaradıcı heyət zəng etdi ki, yenə gəl. Amma getmədim. Mən orkestrımla birlikdə və verilişə tək çıxıram".


Xəbərin orijinal ünvanı: http://axsam.az/?name=xeber&news_id=60996

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR