Son dövrlər Fransa mediasında “Amerikalılar Türkiyədə
böyük zəlzələ yaradacaq” sözləri gündəmə gəlib.
Publika.az xəbər verir ki, bundan öncə Mərmərədə baş verən
zəlzələnin də amerikalılar tərəfindən süni olaraq törədildiyi
iddiaları var idi. Buna bənzər iddialar yenə ortaya atılıb. Belə
ki, Amerikanın süni zəlzələ törədə biləcək gizli silahının olduğu
və bu silahın İstanbulda tətbiq ediləcəyi haqda sözlər müzakirə
mövzusuna çevrilib.
Lakin türkiyəli alimlər bunun mümkünsüz olduğunu qeyd edirlər.
İstanbul Universitetinin Mühəndislzik fakültəsinin geoloji
mühəndislik kafedrasının üzvü, professor Şener Üşümezsoy bu kimi
fikirlərin məqsədli şəkildə ortaya atıldığını deyir: “Hazırda
Türkiyədə inşaat sektoru böyüyərək, sənayeləşib. Böyük zəlzələlərin
olacağı haqda deyilənlər əslində, Türkiyədə sənayeni çökdürmək
məqsədi daşıyır. Çünki zəlzələ qorxusu investisiyalara mənfi təsir
göstərir. Əslində, FETÖ-nün 15 iyul dövlət çevrilişi cəhdindən
sonra “böyük zəlzələ gəlir” sözlərinin gündəmə gəlməsi, həmin vaxt
edə bilmədiklərini iqtisadi yolla həyata keçirməkdir. Yəni,
sənayedəki investisiyalar azalır, Türkiyədə iqtisadi böhran olur və
AKP-ni bu yolla devirirlər. Beləliklə, Türkiyəni tədricən işğal
edirlər. Bütün ssenari bundan ibarətdir”.
İstanbul Texniki Universitetinin Mədən Fakültəsi geofizik
mühəndislik kafedrasının üzvü, professor Övün Ahmet Ercan da
bildirib ki, süni zəlzələlərin olması mümkünsüzdür: “Süni
zəlzələnin olması üçün 135 atom bombası gücündə enerji lazımdır.
Dünyada bu enerjini istehsal edən texnologiya yoxdur”.
Asif
