2018-ci il dünya çempionatının Avropa üzrə seçmə mərhələsinin IV turunda Rumıniya və Polşa komandaları arasında keçirilmiş görüşdə qonaqların futbolçusu Robert Levandovski təhlükə ilə üzləşib.
Milli.Az AZƏRTAC-a istinadən bildirir ki, hücumçunun olduğu yerə fişəng atılıb.
Levandovski oyunun 54-cü dəqiqəsində baş hakimə yerə atılan fişəngi göstərən zaman kiçik partlayış olub və futbolçu yerə yıxılıb. Həkimlərin müdaxiləsindən sonra forvard oyuna qoşula bilib.
Görüş Polşanın 3:0 hesablı səfər qələbəsi ilə yekunlaşıb. Qollardan ikisi Levandovskinin aktivinə yazılıb.
Milli.Az
