Bakıda yanğın hadisəsi qeydə alınıb.
Publika.az Fövqəladə Hallar Nazirliyinin (FHN) saytına istinadən xəbər verir ki, yanğın şəhərin Səbail rayonunda ümumi sahəsi 480 m2 olan ikimərtəbəli inzibati binada baş verib. Nəticədə binanın dam örtüyünün yanar konstruksiyaları 1 m2 sahədə, 2-ci mərtəbəsindəki otağın tavanı 21 m2 və arakəsmə divarı 2 m2 sahədə yanıb.
Yanğın zamanı yanğınsöndürənlər tərəfindən 5 nəfər təxliyə olunub. Digər otaqlar və sexin qalan hissəsi yanğından mühafizə olunub.
