Ötən axşam Qobustan və İmişlidə yanğın hadisəsi qeydə alınıb. Lent.az-ın FHN-nin saytına istinadən verdiyi xəbərə görə, Qobustan rayonu, Cəyirli kəndində vətəndaşa məxsus ümumi sahəsi 100 m2 olan birmərtəbəli 4 otaqlı evin dam örtüyünün yanar konstruksiyaları 40 m2 sahədə yanıb. Evin qalan hissəsi yanğından mühafizə olunub.
İmişli rayonu, Bəcirəvan kəndində vətəndaşa məxsus ümumi sahəsi 105 m2 olan birmərtəbəli 3 otaqlı evin çardağının yanar konstruksiyaları 24 m2 sahədə yanıb. Evin qalan hissəsi yanğından mühafizə olunub.
