Aktual mövzular: Dollar alış-satışı , Hava, Məzənnə, Neftin qiyməti

Gömrük Komitəsi: Avtonəqliyyat vasitələrinin sıxlığı tam aradan qaldırılıb

Gömrük Komitəsi: Avtonəqliyyat vasitələrinin sıxlığı tam aradan qaldırılıb

Azərbaycandan çıxarılan külli miqdarda pul və qızıl külçələr ələ keçdi - AEROPORTDA ƏMƏLİYYAT (10 Mart 2017 14:39)
Külli miqdarda pul və qızıl külçələrlə yaxalandılar (10 Mart 2017 14:39)
ƏMƏLİYYAT: 190 min dolları və 2 kq qızılı ölkədən çıxarmaq istəyərkən tutuldular (10 Mart 2017 14:23)

Tarix: 14 Noyabr 2016 11:24

Xaçmaz Gömrük İdarəsinin Rusiya Federasiyası ilə sərhəddə yerləşən “Samur” gömrük postunda avtonəqliyyat vasitələrinin sıxlığı tam aradan qaldırılıb. Lent.az Dövlət Gömrük Komitəsinin saytına istinadən xəbər verir ki, rəhbərliyin  Rusiya Federasiyasının Federal Gömrük Xidmətinin rəhbərliyinə rəsmi müraciəti və intensiv danışıqlardan sonra son 3 gündə 475 avtonəqliyyat vasitəsinin sərhəddi keçməsi təmin edilib. 

 

Xatırladaq ki, Rusiya Federasiyası istiqamətində yerləşən sərhəd-keçid məntəqəsinin nəqliyyat vasitələrinin buraxılışını təmin etmək potensialının aşağı olması ilə əlaqədar Xaçmaz Gömrük İdarəsinin “Samur” gömrük postunda avtonəqliyyat vasitələrinin sıxlığı yaranmışdı. Problemin operativ şəkildə həll edilməsi məqsədi ilə  noyabrın 11-də Dövlət Gömrük Komitəsi rəhbərliyi  Rusiya Federasiyasının Federal Gömrük Xidmətinin rəhbərliyinə rəsmi müraciət edib, eyni zamanda həmin gün sərhəddə hər iki ölkənin gömrük və sərhəd xidmətlərinin nümayəndələri arasında görüş keçirilib.

 

Noyabrın 12-də isə Dövlət Gömrük Komitəsinin sədri, gömrük xidməti general-leytenantı Aydın Əliyev şəxsən “Samur” gömrük postuna gedərək vəziyyətlə tanış olub.

 

Noyabrın 13-də isə yenidən Azərbaycan-Rusiya sərhədində Xaçmaz Gömrük İdarəsinin rəhbərliyi ilə Rusiya Federasiyası Federal Gömrük Xidmətinin  Dağıstan Gömrük İdarəsinin  rəhbərliyi arasinda görüş keçirilib. Görüşdə son günlərdə sərhəddə avtonəqliyyat vasitələrinin sıxlığının yaranmasının səbəbləri və çıxış yolları müzakirə edilib,  tərəflər arasında bənzər problemlərə operativ müdaxilə edilməsinə dair protokol imzalanıb.

 

Onu da qeyd edək ki, bu gün Dövlət Gömrük Komitəsinin sədri Aydın Əliyevlə Rusiya Federasiyası Federal Gömrük Xidməti rəhbərinin müavini Ruslan Davıdov arasında telefon danışığı olub.  Tərəflər son günlər Azərbaycan-Rusiya sərhədində mövcud vəziyyəti müzakirə edib və Komitə sədri  iki ölkə sərhədində yaranan  avtonəqliyyat vasitələrinin sıxlığı ilə bağlı problemin operativ şəkildə həllinə görə Rusiya tərəfinə təşəkkürünü bildirib.

 


Teqlər:  Gömrük Komitəsi Avtonəqliyyat vasitələrinin sıxlığı tam aradan qaldırılıb



RƏYLƏR


Top xəbərlər