Belfastda eniş

Belfastda eniş
14:57 14 Noyabr 2016
57 İdman
Ölkə mətbuatı
A- A+

Gözlənilməz təklifdən doğan  səfər sərgüzəşti idi bu. Çoxdandı “Biləcəridən o tərəfə çıxmırdım”.


- Tural, salam. Səfərə çıxmaq istəmirsən?

- Baxır hara və kiminlə...


Düzünü deyim, həmkarlarımın gözlənilməz xəbərindən bir qədər duruxmuşdum. Bir anlıq nə cavab verəcəyimi də qətiləşdirə bilmədim. Söhbətimizin xoş axarı, əslində, daha meyilli olduğum “ok” cavabına gətirib çıxarmışdı. Niyə də yox...?


Bu təklif, həm də “paslanmaqda olan” səfər jurnalistikasının “pasını atmaq” üçün, yerində və zamanında “atılan pas idi”. Çoxdandı klaviaturaya təəssürat hisslərinin diqtəsi ilə toxunmurdum.


Milli komanda ilə əvvəllər də eyni səfərin duyğularını yaşamışdım. Nədənsə, bu dəfə tamam fərqli olacağına əmin idim. Bəlkə də, son vaxtlar millinin bizə ərməğan elədiyi özünəinam hissindən doğan rahatlıq idi bu.


9 nəfərdən ibarət jurnalist qrupu futbol tariximizdə ilk dəfə 3 oyundan  7 xalla 2-ci pillənin sahibi olan komanda ilə yola düşürdü. Sanki, bu amil təyyarə ilə münasibətləri heç də mehriban olmayan birini cansıxıcı yolçuluq qayğısından da azad eləmişdi.


Hava limanında hal-əhval tutduğumuz futbolçuların oyunla bağlı fikirlərində maraqlı məqamlar az deyildi. Təcrübəli kapitan Rəşad Sadıqovdan tutmuş, komandanın gənc futbolçularınadək hamı məsuliyyəti dərk etdiyini deyir, yarış cədvəlindəki durumdan qaynaqlanan psixoloji basqıya güc gəlməyə çalışdığını bildirirdi. Hiss olunurdu ki, bu, əvvəlki təsnifat oyunlarına olan yanaşma deyil. Milli Belfasta ən azı, uzun fasilədən sonra “diriltdiyi ruhu” qorumaq,  çətin səfərdən uğurlu nəticə ilə qayıtmaq əzmi ilə, bir sözlə, böyük ümidlərlə yollanırdı.


Elə onun arzuları, hava gəmisinin ölçüləri ilə də uzlaşırdı. “Boinq 787 Dreamliner”in göyərtəsində “öldürdüyümüz” təxminən 7 saatlıq zamana heyfim gəlmir. Təyyarə ilə səfərə çıxanların hamısına belə rahat uçuş arzulamaq istəyimi isə, “boğa bilməzdim”.  


Baxmayaraq ki, sərt təbiətli Belfasta ilk qədəmimiz də, bir qədər sərt alındı. 7 saata yaxın rahat uçuşun son akkordları az qala minor notlara köklənəcəkdi. Sanki, yatanları oyatmaq istəyən gəmi kapitanı isə, alqış payından məhrum olduğuna görə, özünü qınaya bilərdi. “Eybi yox, əvəzini Bakıda çıxar” – düşüncəsi ilə gülərüz ekipaj üzvlərindən ayrılıb, nəhayət Belfastla görüşmək zamanı idi.  Kimi 7 saat tüstüyə həsrət ciyərlərini “iztirabdan qurtarmağa” tələsir, kimi isə təmiz irland havasını sinəsinə çəkməyə. Leysan da, “nəm çadrasını” şəhərin üzərinə çəkmişdi. Azacıq ləngiməklə  təpədən-dırnağadək islanmaq təhlükəsini bizi otelə aparacaq mikro-avtobusla məsafənin azlığı xilas etdi.


Laqanın yarıya böldüyü tarixi şəhər


Laqan çayının yarıya böldüyü Şimali İrlandiya paytaxtı Avropanın böyük şəhərləri siyahısına aid deyil. Amma 600 minə yaxın əhalisi olan Belfastın söykənəcəyi zəngin tarixi var. Bünövrəsini tunc dövründən götürən şəhər, əsasən, 12-ci əsrdən sonra tarix səhifələrində adından söz etdirməyə başlayıb. Yaddaşlara isə, daha çox, məşhur “Titanik” gəmisi ilə iz salıb. Əsrin ən böyük qəzalarından birini yaşayan həmin möhtəşəm gəmi, 1912-ci ildə  “son mənzilə yola düşmək üçün”, məhs ərsəyə gətirildiyi Belfastdan Sauthemton limanına yan almışdı.  


Tarixin mamır bağlamış xatirələrini bu günədək daşıyan nimdaş divarları, Belfastı turistlərə sevdirən əsas keyfiyyətlərindəndir. Şimali İrlandiya paytaxtı, əksər Avropa şəhərlərinə xas olan orta əsrlər və müasir həyatın təzadlı sintezi ilə könüllərə yol tapmağa layiqdir. Soyuq tinlərdə, meydanlarda ürəyinin giziltisini, harayını bölüşən musiqiçilərin kövrək nəğmələri ilə, isti kafe və barların şüşələrindən süzülən şən qəhqəhələr kimi.


Elə sakinləri haqqında da birmənalı fikir yürütməkdə çətinlik çəkirəm. Daha çox işgüzar təsir bağışlayan irlandiyalının həftəsonuna qədər haradasa “vaxt öldürdüyünə” az rast gələrsən. Hazırda Londonda yaşayan həmkarımız Toğrul Bağırovun sölədiyi kimi: “Britaniyada az işləməklə dolana bilməzsən. Burada avaralıq eləmək olmur”. Heç, son günlərin “siyasət tramplinində” Şimali İrlandiya paytaxtının da yırğalandığını demək olmazdı. Şəhərin küçələrində ABŞ-ın yeni prezidenti Donald Trampın qələbəsinə özünəməxsus yanaşmalara rast gəlinsə belə. Həmkarım Elşən Məmmədovun yumor hissini oxşayan bu mənzərə deyəsən başqaları üçün elə bir maraq kəsb eləmirdi. Sadə irland öz hayında idi.


Səhərlər Belfast küçələrindəki qələbəliyin də sadə izahı var: hamı işə tələsir. Bir saatı üçün minimum 7 funt  (bizim pulla 14 AZN) qazanan belfastlıya qibtə eləməyə də dəyməz. Dükan-bazarlardakı qiymətlər rahat nəfəs almağa əsas vermir. Bizim pulla təxminən 30 manata yediyi ət parçasının üstündən 8 manatlıq pivə içən Belfast sakininin daha çox həftə sonlarında baş qaldıran aqressivliyini anlamaq olar. Şər qovuşana qədər hətta sən toxunsan belə, “sorry”sini əsirgəməyən nəzakətli irlandın içkili üzünü görməyəsən.


Belə də, yox...


Futbol oynamağa içkili çıxmasalar da, noyabrın 11-də Şimali İrlandiya futbolçularının da üzünü görməsəydik yaxşıydı. 20 minlik “Windsor Park” da baş verənləri birlikdə izlədiyimizdən, incəliyə varmağa ehtiyac duymuram. Sadəcə, görüş boyu əzəmətli şüarlarıyla dəstəyini əsirgəməyən “ağ-yaşıl torsida”nın təzyiqindən çəkinməyən “Milli dəstə”nin komandanı ruhlandırmaq cəhdlərini vurğulamaq istəyirəm. Avropada yaşayan tələbələrimizin üstünlük təşkil etdiyi təxminən 150 nəfərlik azarkeş qrupu Şamil Mustafayevin rəhbərliyi ilə oyun boyu varlığını hiss etdirməyə çalışdı. Milli də buna çalışırdı. Əlbəttə, “xeyirlə şər qardaş olduğu kimi”, uğurla uğursuzluq da idmanda “qol-qola gəzir”. 3 oyundan 7 xal toplayan millinin məğlubiyyəti gözlənilən idi. Amma, belə də yox. 4-cü oyunda “yediyi” 4 tutarlı sillə, yəqin ki, futbolçuları eyforiyadan ayıldacaq.


“Gözə gələn” "Dreamliner"


Sən demə, gözə gələn tək milli komandamız deyilmiş. Bizi qarşıda daha bir “sürpriz” gözləyirmiş. Hələ ki, bundan xəbərsiz halda, tələsik hava limanına yollanan  yorğun nümayəndə heyətinin təyyarədə mürgüləmək arzusu “gözündə qaldı”. 4 gün yalnız Belfast aeroportunu deyil, yerli mətbuatın səhifələrini də bəzəyən təyyarəmiz nasazlıq üzündən uça bilmirdi.


AFFA rəhbərliyinin operativ tədbirləri təxminən 9 saatlıq ləngiməni hava limanında deyil yaxınlıqdakı oteldə arxada qoymaqla nəticələndi. Ertəsi gün nasazlığı aradan qaldırılan "Dreamliner"in göyərtəsində Bakıya qayıdarkən əks istiqamətdə yolumuzu xatırladım. Bu dəfə deyəsən “bir az aşağıdan uçurduq...”


Tural Xudiyev

















RƏYLƏR

OXŞAR XƏBƏRLƏR

BU KATEQORİYADAN DİGƏR XƏBƏRLƏR

Ölkə mətbuatında bugün

PSJ “Monako”nun daşını daş üstə qoymadı - VİDEO - FOTO

27 Aprel 2017 07:37

Mexikoda ikimərtəbəli mənzil - FOTO

27 Aprel 2017 07:32

“Barselona”dan 7, “Real”dan 6 qol - FOTO

27 Aprel 2017 07:27

“Airbuds Air Translator” dil baryerini aradan qaldıracaq

27 Aprel 2017 07:22

ABŞ KXDR-ə qarşı sanksiyaları sərtləşdirəcək

27 Aprel 2017 07:18

Hindistanda silahlılar hərbi düşərgəyə hücum edib: ölənlər var

27 Aprel 2017 07:12

Qəbilə ilə polis arasında qarşıdurma: Polisə oxla cavab verdilər

27 Aprel 2017 07:04

"Bavariya" daha bir tituldan əlini üzdü - VİDEO

27 Aprel 2017 06:43

XİN rəhbəri: "Biz Krımı Rusiya ərazisi kimi tanımaqdan imtina edirik"

27 Aprel 2017 06:32

Nəhəng daş kimi ibadətgah - FOTO

27 Aprel 2017 06:32

Zaxarova: “Trampa şans verin”

27 Aprel 2017 06:04

Bakıda avtomobil 37 yaşlı kişini vurub

27 Aprel 2017 06:02

İran sərhədində silahlı toqquşma: 8 ölü, 4 yaralı

27 Aprel 2017 05:48

Rusiyada zəlzələ oldu

27 Aprel 2017 05:33

"Just Cavalli"dən yeni kolleksiya - FOTO

27 Aprel 2017 05:32

“Qalatasaray”ın futbolçusu qəza törətdi

27 Aprel 2017 05:19

Rusiyada zəlzələ olub

27 Aprel 2017 05:12

"Real" "Deportivo"nu darmadağın etdi - VİDEO

27 Aprel 2017 04:53

ABŞ KXDR-ə qarşı sanksiyaları sərtləşdirəcək

27 Aprel 2017 04:37

FHN Lənkərandakı ağır qəza ilə bağlı məlumat yaydı

27 Aprel 2017 04:34

Məşhur aktyor jurnal üçün çəkildi - FOTO

27 Aprel 2017 04:32

Rusiyada sərnişin təyyarəsi qəza enişi etdi

27 Aprel 2017 04:29

9 mindən çox polis işdən uzaqlaşdırıldı

27 Aprel 2017 04:03

Məcburi köçkünlərə görə

27 Aprel 2017 03:35

Köhnə kənd evi otel oldu - FOTO

27 Aprel 2017 03:32

Məşhur rejissor vəfat etdi

27 Aprel 2017 03:24

35 yaşlı futbolçu məşq zamanı öldü

27 Aprel 2017 03:23

Nigeriyada neft oğurluğunda şübhəli bilinən 10 nəfər saxlanılıb

27 Aprel 2017 03:22

Rusiyada terror qruplaşmasının 12 üzvü saxlanıldı

27 Aprel 2017 03:13

Astroloji proqnoz - 27 aprel

27 Aprel 2017 02:58

Almaniya kubokunda finalçılar bəlli oldu

27 Aprel 2017 02:39

Çinidən metal bankalar - FOTO

27 Aprel 2017 02:32

İspaniya La Liqası: "Real" "Deportivo"nu böyük hesabla məğlub edib

27 Aprel 2017 02:27

Tramp-Putin görüşünə dair xəbər yalan çıxdı

27 Aprel 2017 02:24

"Real" 3 xalı darmadağınla qazandı

27 Aprel 2017 02:22

Bu şəhərlərin küçələri dadlı yeməklərlə aşıb-daşır - FOTO

27 Aprel 2017 02:03

Apteklərdə adı və tərkibi eyni olan dərmanlar niyə fərqli qiymətə satılır? -

27 Aprel 2017 01:56

Türkiyədə 9 mindən çox polis işdən uzaqlaşdırıldı

27 Aprel 2017 01:49

Fransa kuboku: PSJ "Monako"nu darmadağın edərək finala çıxıb

27 Aprel 2017 01:47

Fərqli küçə rəssamı - FOTO

27 Aprel 2017 01:32

Rusiyadan kritik Astana açıqlaması -

27 Aprel 2017 01:31

Lənkəranda ağır qəza:

27 Aprel 2017 01:20

Rusiya mətbuatı Putinlə Trampın ilk görüşü barədə xəbər yayıb

27 Aprel 2017 01:17

35 yaşlı futbolçu məşqdə öldü

27 Aprel 2017 01:04

Limonla tonqal qaladı - FOTO/VİDEO

27 Aprel 2017 01:03

Hadisə hicaba büründü -

27 Aprel 2017 00:58

Suriyada qətliam davam edir:

27 Aprel 2017 00:23

Rusiyada terror qruplaşmasının 12 üzvü saxlanılıb

27 Aprel 2017 00:22

Suriyanın bir neçə şəhəri terrorçular tərəfindən atəşə tutulub: ölən və yaralananlar var

27 Aprel 2017 00:07

Günün qoroskopu: qəm yeməyin, kimsə gələr, kimsə də gedər

27 Aprel 2017 00:05