Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycanın 93 yaşlı ədliyyə polkovniki vəfat edib

Azərbaycanın 93 yaşlı ədliyyə polkovniki vəfat edib

Date: 14 November 2016 15:47

Bakı. 14 noyabr. REPORT.AZ/ Azərbaycanın 93 yaşlı ədliyyə polkovniki vəfat edib. 
"Report"un məlumatına görə, Azərbaycan Respublikasının "Əməkdar hüquqşünas"ı, hüquq üzrə fəlsəfə doktoru Eynal Əliyev dünyasını dəyişib.
Qeyd edək ki, Eynal Hacı oğlu Əliyev 1923-cü il oktyabr ayının 8-də Bakının Əmircan kəndində neftçi ailəsində anadan olub. 1941-ci ildə orta təhsilini başa vurduqdan sonra o, Azərbaycan Tibb Universitetinə daxil olub, lakin Böyük Vətən müharibəsinin başlanması ilə əlaqədar 1942-ci ildə könüllülər sırasında cəbhəyə gedib, bununla əlaqədar, ali tibb təhsili yarımçıq qalıb. O, 1943-cü ilin axırlarında ağır xəstəliyinə görə ordu sıralarından tərxis olunub.
Eynal Əliyev 1944-cü ildə BDU-nun hüquq fakültəsinə daxil olub, lakin prokurorluq orqanlarında kadr çatışmazlığı səbəbindən təhsilini başa vurmayıb, sonuncu kursdan - 1947-ci il oktyabr ayının 6-da Lenin (indiki Sabunçu) rayonuna prokuror köməkçisi vəzifəsinə təyin olunub. O, 1948-ci ildə hüquq fakültəsini bitirdikdən sonra Bakı şəhərinin Əzizbəyov (indiki Xəzər), Oktyabr (indiki Yasamal) rayonlarında prokuror, Bakı şəhər prokurorluğunda istintaq şöbəsinin prokuroru, 1969-1974-cü illərdə Qaradağ rayon prokuroru, 1975-1988-ci illərdə Azərbaycan Respublikası Prokurorluğunda şöbə rəisi, Məhkəmə qərarlarının qanuniliyinə nəzarət idarəsinin böyük prokuroru vəzifələrində çalışıb. 1989-cu ilin avqust ayında siyasi repressiya qurbanlarının təmizə çıxarılması işi ilə əlaqədar İstintaq nəzarət idarəsi nəzdində yaradılmış şöbədə böyük prokuror vəzifəsinə təyin edilib və 2000-ci ildə təqaüdə çıxıb.


Tags:  Azərbaycanın 93 yaşlı ədliyyə polkovniki vəfat edib

RƏYLƏR


Top news