Pəhriz saxlayarkən lahmacundan imtina edə bilməyənlər var, yəqin ki. Onları nəzərə alaraq, Aile.lent.az dietik lahmacun reseptini təqdim edir.
Xəmiri üçün lazım olan ərzaqlar:
3 stəkan pəhriz unu
1/2 paket yaş maya
duz
su
İçlik üçün:
100 qr qiymə
2 soğan
1 dəstə doğranmış cəfəri
2 pomidor
3 bibər
duz, pul bibər, kəklikotu
Zeytun yağı
Hazırlanması:
Əvvəlcə xəmiri hazırlayın. Unu dərin bir qabın içinə tökün. Düz ortasına yaş mayanı qoyun. Sonra ilıq su tökərək mayanı əridin. Duzunu da səpərək yumşaq xəmir halına gələnə qədər yoğurun.
İçliyin hazırlanması üçün də pomidor, soğan və bibəri blenderlə xırda doğrayın. Bıçaqla doğradığınız cəfərini də içliyə əlavə edin. Sonda qiyməni, ədviyyatı və zeytun yağını əlavə edib yaxşıca qarışdırın.
Xəmir gələndən sonra bərabər ölçülü kündələrə ayırın və oxlovla yayın. Lavaşın üzərinə hazırladığınız içlikdən səpin.
180 dərəcədə isidilən sobada xəmiri və içliyi hazır olana qədər bişirin.
Yanında ayranla servis edə bilərsiniz.
Nuş olsun!
Milli.Az