Aktual mövzular: Dollar alış-satışı , Hava haqqında, Məzənnə, Neftin qiyməti

"Brent" markalı neftin qiyməti 44 dollardan aşağı düşüb

"Brent" markalı neftin qiyməti 44 dollardan aşağı düşüb

Date: 15 November 2016 10:32

Bakı. 15 noyabr. REPORT.AZ/ Dünya bazarında "Brent" markalı neftin qiyməti bu gün 43,58 dollar/barelə kimi geriləyərək son 3 ayın minimal səviyyəsinə enib. "Report"un verdiyi xəbərə görə, avqustun 11-dən sonra "Brent" nefti ilk dəfədir ki, 44 dollar/barel səviyyəsindən aşağı düşüb.
Neft bazarında mənfi tendensiyaya səbəb Beynəlxalq Energetika Agentliyinin (İEA) OPEC ölkələrinin oktyabr ayında hasilatı 230 min barel/gün və ya 0,68% artırması ilə bağlı hesabatı olub. OPEC-in öz hesabatına görə isə oktyabrda gündəlik hasilatda 240 min barel və ya 0,72% artım baş verib.
Xatırladaq ki, noyabrın 30-da OPEC-in Vyanada keçiriləcək növbəti iclasında hasilatın azaldılması ilə bağlı qərarın qəbul olunacağı gözlənilir. Belə ki, sentyabrda Əlcəzairdə baş tutmuş OPEC-in qeyri-formal sammitində neft ölkələri hasilatın 32,5-33 mln. barel/gün səviyyəsində məhdudlaşdırılması barədə ilkin razılığa gəlib. "The Wall Street Journal" isə qeyd edir ki, analitiklər hasilatın 32,5-33 mln. barel/gün səviyyəsinə kimi azaldılmasını mümkün hesab etmirlər. Bu da neft qiymətlərinin aşağı enməsini sürətləndirir.


Tags:  Brent markalı neftin qiyməti 44 dollardan aşağı düşüb


RƏYLƏR


Top news