“Rusiya hərbi sferada ABŞ-ın rəqibi deyil”.
Publika.az xəbər verir ki, bunu “The Wall Street Journal” nəşrinə açıqlamasında Nyu-Yorkun keçmiş meri, ABŞ-ın yeni seçilmiş prezidenti Donald Trampın məsləhətçisi Rudolf Culiani deyib.
Trampın məsləhətçisi geniş yayılmış tezisi təkrarlayıb ki, Barak Obama administrasiyası Rusiyanı ABŞ-ın rəqibinə çevirdi. Onun sözlərinə görə, Rusiya prezidenti Vladimir Putin amerikalı həmkarına hörmət etmir.
Rudolf Culiani həmçinin əmin edib ki, ABŞ-ın yeni hökuməti Moskva və Pekinlə münasibətlərin bərpası ilə məşğul olacaq.
Daha əvvəl “The Wall Street Journal” nəşri bildirib ki, Trampın komandası Rudolf Culianiyə dövlət katibi postuna namizəd kimi baxır. ABŞ-ın BMT-dəki keçmiş səfiri Con Bolton onun əsas rəqibi hesab edilir.
Ömər Dağlı
