Aktual mövzular: Dollar alış-satışı , Hava, Məzənnə, Neftin qiyməti

Bugünkü hərracda 18 dövlət əmlakı özəlləşdirilib

Bugünkü hərracda 18 dövlət əmlakı özəlləşdirilib

Bugünkü hərracda dollar ucuzlaşdı (16 Mart 2017 13:12)
Bugünkü hərracda dollar ucuzlaşdı - MƏZƏNNƏ (14 Mart 2017 14:44)
Azərbaycanda dollar ucuzlaşdı (14 Mart 2017 14:44)

Tarix: 15 Noyabr 2016 10:52

Bakı. 15 noyabr.REPORT.AZ/ Əmlak Məsələləri Dövlət Komitəsi (ƏMDK) bu gün növbəti hərracı keçirib. "Report"un məlumatına görə, bugünkü hərracda ümumilikdə 18 əmlak özəlləşdirilib. Bunun 12-si istifadəsiz qeyri-yaşayış sahəsi, 2-si kiçik dövlət müəssisəsi, 3-ü səhmdar cəmiyyəti, 1-i isə nəqliyyat vasitəsi olub. Hərrac nəticəsində 1,2 mln. manatdan çox vəsaitin dövlət büdcəsinə köçürülməsi təmin ediləcək.
Komitənin budəfəki hərracı rəqabətli keçib. Bir neçə qeyri-yaşayış sahəsinə verilən sifarişlərin çoxluğu səbəbindən bu əmlakların satışı üzrə hərraclar rəqabətli olub və ən yüksək qiyməti təklif edən qalib elan edilib.
Hərracda satılan istifadəsiz qeyri-yaşayış sahələrinin hamısı paytaxtda yerləşir. Özəlləşdirilən iki kiçik dövlət müəssisəsinin biri Bakıda, digəri isə Mingəçevirdədir.
Hərracda özəlləşdirilən “İmişli Pambıq” və “Neftçala Pambıq” səhmdar cəmiyyətləri ölkədə hazırda aktual olan pambıqçılıq sahəsinin inkişafı üçün perspektivli iri müəssisələrdir. Digər iri müəssisə isə Olefin Elmi-Tədqiqat və İstehsalat Mərkəzi olub.
İnvestisiya qoyuluşu sayəsində özəlləşdirilən müəssisələrin tamamilə yenidən qurulması və müasir standartlara uyğun tam fəaliyyəti təmin ediləcək. Hərrac proseduruna əsasən, qaliblərlə hərrac protokolu və alqı-satqı müqaviləsi imzalanıb.
Hərracdan sonra qanunvericiliyə uyğun olaraq bir neçə gün ərzində əmlak sahibləri mülkiyyəti təsdiq edən çıxarışlarla təmin olunur.
Qeyd edək ki, ƏMDK-nın növbəti hərracı noyabrın 22-də keçiriləcək. Bu hərraca 78 dövlət müəssisə və obyekti özəlləşməyə çıxarılıb.



Teqlər:  Bugünkü hərracda 18 dövlət əmlakı özəlləşdirilib



RƏYLƏR


Top xəbərlər