Aktual mövzular: Dollar alış-satışı , Hava haqqında, Məzənnə, Neftin qiyməti

Məktəbəhazırlıq qruplarının müəllimləri üçün imtahan keçiriləcək

Məktəbəhazırlıq qruplarının müəllimləri üçün imtahan keçiriləcək

Date: 15 November 2016 13:37

Bakı. 15 noyabr. REPORT.AZ/ Sabah məktəbəhazırlıq təlimlərində iştirak edən və hazırda məktəbəhazırlıq qruplarında məşğələ aparan müəllimlər üçün sertifikatlaşdırma imtahanı keçiriləcək.
Bakı Şəhəri üzrə Təhsil İdarəsindən "Report"a verilən məlumata görə, Bakı şəhəri üzrə 3 mərkəzdə təşkil olunan imtahan 1 saat davam edəcək.
Xəzər, Suraxanı, Sabunçu, Pirallahı rayonları üzrə imtahan 252, Nərimanov, Xətai, Nizami rayonları üzrə 62, Binəqədi, Qaradağ, Yasamal, Nəsimi və Səbail rayonları üzrə isə 18 nömrəli tam orta məktəbdə keçiriləcək. 
Qeyd edək ki, imtahan Bakı Şəhəri üzrə Təhsil İdarəsinin təşkilatçılığı ilə Təhsil İşçilərinin Peşəkar İnkişafı İnstitutu tərəfindən keçirilir. İmtahanda iştirak edən hər bir müəllimə müvafiq sertifikat veriləcək.


Tags:  Məktəbəhazırlıq qruplarının müəllimləri imtahan keçiriləcək

RƏYLƏR


Top news